Kaapstad óók by COP21 vereer

tafelberg

Argieffoto

Die stad Kaapstad het Donderdag óók ʼn toekenning in Parys, Frankryk, by die COP21-beraad ontvang.

Kaapstad is die wenner in die kategorie Adaption Implementation van die C40-stede. Volgens Patricia de Lille, die burgemeester, is dié stad ʼn leier in doeltreffende waterbestuur. “Die toekenning is erkenning vir Kaapstad se poging om ʼn wêreldformaat-stad te wees,” het De Lille gesê.

Volgens haar het die stad danksy doeltreffende bestuursbeginsels daarin geslaag om die vraag na water met 30% te verminder. “Dít ten spyte van die geweldige ontwikkelings en die bevolkingstoename van 30% in Kaapstad sedert 2001.”

Kaapstad was saam met 33 ander stede van oor die hele wêreld op die kortlys van finaliste by die C40-toekennings.

Maroela Media het vroeër berig Johannesburg was onder die top-10 stede wat by die derde jaarlikse toekenningseremonie ʼn C40 Cities-toekenning ontvang het vir stede wat klimaatsverandering doeltreffend bestuur. Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Peet Schabort ·

Onder beheer van die ANC sou dit doeltreffende wanbestuur gewees het.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.