Die polisie in Kaapstad het Dinsdag gesê hulle ondersoek bewerings dat een van hul kollegas probeer het om selfmoord te pleeg toe hy op die N1 met sy motor voor aankomende verkeer ingery het.
“Die saak word ondersoek,” het kapt. Frederick van Wyk, woordvoerder van die polisie, aan News24 gesê.
Die polisiebeampte het Maandagmiddag in Durbanweg gery toe hy, in plaas daarvan om die afrit na die N1 te neem, die afrit geneem het en reg voor die aankomende verkeer beland het. Hy het ʼn vragmotor en nog ʼn voertuig getref. Twee persone is in die ongeluk beseer.
“Twee sake van poging tot moord word ondersoek,” het Van Wyk gesê.
Die polisiebeampte, wat nie in daardie stadium aan diens was nie, het kopbeserings opgedoen. Hy is na ʼn hospitaal geneem.
Bron: Naledi Shange, News24
Hulle moet dalk die kollega se bloed trek…