Kaapstad-polisieman se bejaarde ma vermoor

Argieffoto: SAPD, Facebook

Argieffoto: SAPD, Facebook

Die Wes-Kaapse polisie ondersoek ʼn saak van moord en poging tot moord nadat ʼn polisiebeampte van die bende- en dwelmeenheid se bejaarde ma vermoor en sy 44-jarige broer geskiet en gewond is.

Konst. Lutfie Eksteen se 71-jarige ma en sy broer is Maandagaand tydens ʼn aanval in Manenberg, Kaapstad, geskiet.

Kapt. FC van Wyk, ʼn polisiewoordvoerder, het Woensdag gesê niemand is nog in verband met die skietery in hegtenis geneem nie.

Dan Plato, die Wes-Kaapse LUR van gemeenskapsveiligheid, het Woensdag in ʼn verklaring ʼn beroep op die Manenberg-gemeenskap gedoen om saam met die polisie te werk om die aanvallers aan te keer. “Ons kan nie toelaat dat so ʼn gruwelike aanval die polisie verhinder om teen gewetenlose misdadigers, moordenaars, bende- of dwelmbase op te tree nie,” het Plato gesê.

Plato het sy medelye aan Eksteen en sy familie, kollegas en vriende uitgespreek.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Theresa ·

Dis skokkend. Die mense het nou heeltemal mal geword……………….

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.