Kaapstad pos 62 000 spoedboetes

Argieffoto bloot ter illustrasie van ‘n padblokkade. (Foto: Siyabulela Duda)

Duisende Kaapse motoriste kan binne die volgende paar weke ʼn boetekennisgewing in hul posbus verwag.

Die Kaapse verkeersowerhede het die afgelope week nie minder nie as 332 motoriste in hegtenis geneem en 104 981 boetes uitgereik. Dié aantal boetes, waarvan 59% spoedboetes, is meer as dubbel vergeleke met die vorige week.

“Spoedvrate het die langnaweek en stiller paaie hul speelveld gemaak en die aantal oortredings wat aangeteken is getuig daarvan,” sê JP Smith, Kaapstad se burgemeesterskomiteelid vir veiligheid.

Altesame 62 283 spoedoortredings is die afgelope week regoor Kaapstad aangeteken. Dit sluit nie ʼn bykomende 38 174 boetes in wat deur verkeersbeamptes vir verskeie ander verkeersoortredings uitgereik is nie.

Smith raai nou dié oortreders aan om hul boetes te betaal “of die risiko te loop om agter tralies te beland”.

Altesame 1 368 motoriste is die afgelope week in hegtenis geneem weens uitstaande lasbriewe.

Die bestuurders van 22 onpadwaardige voertuie is gedurende dié tyd daarvoor beboet terwyl 35 bestuurders beboet is omdat hulle nie geldige lisensies gehad het nie. Agt bestuurders is beboet vir die versuim om veiligheidsgordels te dra, en 48 is beboet vir die besit van ongelisensieerde voertuie en 20 vir gladde bande.

Openbare vervoer is ook nie ontsien nie. Kaapstadse verkeersbeamptes het 200 voertuie vir openbare vervoer geskut en 52 bestuurders in hegtenis geneem – 44 vir beweerde dronkbestuur en agt vir roekelose en nalatige bestuur.

Daar is ook op ander onwettige aktiwiteite toegeslaan.

Twee verdagtes is Sondag in hegtenis geneem vir dronkbestuur terwyl een vir roekelose en nalatige bestuur en een vir die bedreiging van ’n minderjarige in hegtenis geneem is toe die owerhede op ’n klag van ’n versnelwedren in Bellville gereageer het.

Dit volg kort nadat ’n gekaapte voertuig Saterdag teen middernag voorgekeer is en twee verdagtes in hegtenis geneem is.

Dié groen Toyota Yaris, wat vroeër in Kensington as gekaap aangemeld is, is Saterdag omstreeks middernag gewaar voordat dit ná ’n jaagtog op die N1 net voor Sableweg voorgekeer is. Drie vermoedelik gesteelde kameras is op die agterste sitplek gevind.

Die insittendes, ʼn 39-jarige man en ʼn 33-jarige vrou, is na die polisiestasie in Maitland geneem waar die vrou in besit van ’n vuurwapen en ammunisie, in haar broek versteek, betrap is. Die vuurwapen is later in Strandfontein as gesteel aangemeld.

Die twee verdagtes staan nou tereg op aanklag van die besit van ʼn gesteelde voertuig, die besit van vermoedelik gesteelde eiendom, die besit van ʼn onwettige vuurwapen en die besit van onwettige ammunisie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

20 Kommentare

Twallie ·

Dis reg. Looi hulle.

Ek is so bly dat Kaapstad baie streng is. Hier vlieg die ‘bribe” kite nie.

domheks ·

En hoeveel gaan deur ons poskantoor afgelewer word? Mors van geld om iets te pos.

Robert ·

Ek sit hier dieselfde en dink, miskien in Kaapstad maar verder noord gaan daai boetes nerens kom nie.

Phillip ·

Ons kry die afgelope 3 maande geen pos nie en net eendag is die posbus oorvol en moet dan vure doodslaan vir agterstallige rek.

Pietertjie ·

Kan iemand dalk sê hoeveel inkomste word vir die stadsraad en sy agente gegenereer. En hoeveel voertuie is geskut, en hoeveel bestuurslisensies is gekanselleer (wat óók inkomste genereer)?

fafa ·

Behalwe dat dit korrek is dat Poskantoor nie betroubaar is/was nie kan geen boete per pos gestuur word nie-die Hof moet oortuig word dat oortreder boete ontvang het -wat nie moontlik is behalwe as beteken deur balju of sg “spotfine” nie-jy word gestop en ontvang boete met Hofdatum.

JohanR ·

Daar is net nooit ‘n einde aan die domheid van die mensdom nie!

Mallie ·

Wat van die wat ongelisensieerd bestuur en ongelukke veroorsaak?

Mariana ·

Daar behoort meer sulke blokkades te wees. Die mense sal meer versigtig wees, maar sommige is mos maar altyd uitdagend. Maar ja hulle moet vasgevat word. Wel gedaan Kaapstad

Ockert ·

Selfs in ‘n padblokkade mag jy nie gearresteer word of gedwing word om uitstaande boete te betaal. Indien dit gebeur MOET hulle die oorspronklike dagvaardiging aan jou wys, wat hul nie het, want dit het hul vir jou gepos

Catherina ·

Boetes!! Ek ry n KAR in W.P maar word beboet vir n groot vragmotor in Gauteng…….. ek is ook stokoud! Wys net wat mens kan doen!

maruis ·

Waarom slegs op lang naweke – o ja skuus die wets toepassers werk slegs op lang naweke.

Piet ·

Nee wat JP. Jy kan maar dreig. Nie jou besluit nie. EN die bestuurderslisensies was geldig. Net die ou kaartjie wat nie hernu kon word nie!!

fransdutoit3 ·

Ek wonder net hoe doeltreffend die poskantoor gaan wees met die aflewering van die boetes.. Daardie boetes moet ook per geregistreerde pos beteken word en in my voorstad word straataflewering nie meer gedoen nie..

Realis Thailand ·

Dit klink vir my dit is net Kaapstad en die Wes Kaap wie optree teen padvarke
JP Smit kan gerus die minister van Polisie gemaak word
Net jammer sy staf sal so korrup wees en sy velkleur tel ook teen hom
Sluit toe en verder laat hulle betaal as hulle nie wil luister nie

Ockert ·

‘n Boete in die pos is nie geldig. Geen bewys die voertuig eienaar het dit ontvang

Realis Thailand ·

Ek het vele kaartjies in die pos gekry .Hulle nooit betaal tot n dagvaarding persoonlik aan my beteken is en dan vir die sports sommer ook hof toe gegaan en meeste kere was die beampte nie daar en is die saak teruggetrek

Ockert ·

Hoe gaan hulle bewys dat die oortreders die boete ontvang het tensy dit nie geregistreerd is? Ek gooi al die boetes wat ek innie pos kry, weg. So ook parkeerkaartjie boetes. Hulle het geen bewys dat die boete ontvang is, tensy die verkeersbeamte ‘n direkte dagvaardiging uitgereik het. En om al daardie boetes te registreer gaan baie geld kos

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.