Kaapstad se algehele waterverbruik het die afgelope week met 28 miljoen liter per dag toegeneem, het die stad Maandag gesê.
Luidens ʼn verklaring deur die Stad uitgereik, het die Moederstad se waterverbruik vanaf 8 tot 14 Julie vanaf 555 miljoen liter per dag tot 583 miljoen liter per dag toegeneem.
Hoewel damvlakke die afgelope week weens reën herstel het tot ʼn kapasiteit van 61,8%, maan die Stad Kapenaars om water steeds spaarsamig te verbruik.
Ondanks die toenemende verbruik van water, is die Moederstad tog binne die daaglikse perk van 650 toewysings van ʼn miljoen liter per dag.
“Ons is egter nog nie in ʼn posisie om ons waterbesparingspogings te verslap nie,” lui die verklaring.
Ag hoe lekker is dit om water te hé… Ons is nou meer as 2 mnde sonder water … weet nie meer .. As mens nie betaal het verstaan ek maar as die Munsipaliteit nou die geld misplaas en niemand doen niks daaroor WAT se kans het ek om iets te sé daaroor ?
Ja en hoeveel mijoene liter water het in die strate afgeloop as gevolg van gebarste pype. Vra net want hier in Pretoria sien mens dit daagliks
Charlotte gelukkig bestaan Pretoria nie meer nie. Dit gebeur in Tshwane (wat skynbaar na genl Tswanepoel vernoem is)! Mense is soos skape as dit by die vermorsing van water kom en die Kapenaars gaan weer op die harde manier leer! Onthou voorkoming is beter as behandeling!