Twee mans is dood en een beseer nadat twee mans hulle Woensdagmiddag in Steenberg, Kaapstad geskiet het.
Lt.kol. André Traut het gesê die skietery het omstreeks 17:30 op die hoek van Prince Georgerylaan en Militaryweg plaasgevind. “Twee verdagtes het te voet van die toneel gevlug en is steeds soek,” het Traut gesê.
Volgens Traut is die slagoffers in hul twintigs. Die rede vir die aanval is onbekend.
Die oorlewende is na ʼn nabygeleë hospitaal geneem vir verdere behandeling. – SAPA