Kaapstad-tiener doodgeskiet

Argieffoto

Argieffoto

ʼn 15-jarige seun is Sondagmiddag in Valhallapark in Kaapstad doodgeskiet.

“Hy is omstreeks 13:00 in Eleanorweg in sy kop geskiet,” het Robert Daniels, woordvoerder vir die Wes-Kaapse nooddienste, gesê. “Die omstandighede rondom sy dood is nog nie bekend nie.”

Die tiener se liggaam is in ʼn huis aangetref toe paramedici op ʼn minder ernstige noodgeval in die omgewing reageer het.

Intussen, in ʼn onverwante saak, is ʼn 25-jarige man na Tygerberg-hospitaal geneem nadat hy in Ertjieboomweg in Delft ook in sy kop geskiet is. Hy is in ʼn kritieke, maar stabiele toestand. “Sy voorval blyk bendeverwant te wees,” het Daniels gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae