Kaapstad-vrou verdrink naby Clifton

Clifton Foto: wallpaperweb.org

Clifton Foto: wallpaperweb.org

ʼn Vrou in haar 20’s het Sondag naby Clifton in die Wes-Kaap verdrink, het die NSRI gesê.

“Omstanders het die vrou deur die loop van die oggend op die rotse sien sit,” het Craig Lambinon, woordvoerder van die Nasionale Seereddingsinstituut (NSRI), in ʼn verklaring gesê. Volgens Lambinon het die vrou al haar klere aangehad, sy het nie ʼn baaikostuum aangehad nie.

“Sy wat later moontlik in die water ingaan om af te koel, maar het toe op die rotse in die moeilikheid beland,” het hy bygevoeg.

Die vrou het later kop onderstebo in die water gedryf en is deur seestrome meegesleur.

“ʼn Omstander het ingespring en haar liggaam na die strand gebring,” het Lambinon gesê. “ʼn Groep mense het KPR probeer toepas totdat nooddienswerkers by die toneel opgedaag het.”

Paramedici het die vrou op die toneel dood verklaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Gideon Erasmus ·

Klink vir my eerder na ‘n Ingrid Jonker geval!! Veral omdat sy voor die tyd op die rotse gesit het, dalk alles mooi deurdink!
Jammer vir familie!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.