Kabinet keur verslapping van afsonderingsmaatreëls goed

Pres. Cyril Ramaphosa (Foto: Jairus Mmutle/GCIS)

Suid-Afrika se kabinet het die verdere verslapping van afsonderingsmaatreëls die afgelope week tydens ʼn virtuele vergadering goedgekeur. Ministers het ook ooreengekom dat verskillende vlakke van afsondering vir verskillende munisipaliteite en metro’s moet geld.

Die kabinet het Dinsdag en Woensdag ʼn spesiale vergadering belê, waartydens die koronavirus-bevelraad terugvoer gegee het oor die vordering wat gemaak is en uitdagings met betrekking tot die instelling van vlak 4-afsondering.

Danksy die vordering met betrekking tot die afplatting van die kurwe en die verbeterde kapasiteit van die gesondheidstelsel om ʼn verhoogde aantal infeksies te hanteer, is ooreengekom dat die afsonderingsregulasies verslap kan word.

“Ministers sal nou begin om wyd binne die regering en met die burgerlike gemeenskap oorleg te pleeg. Dit sal lei tot die algemene verslapping van afsonderingsregulasies vanaf vlak 4 na vlak 3,” het die kabinet Vrydag in ʼn verklaring gesê. “Dit sal druk op die ekonomie verlig en groter beweeglikheid van mense moontlik maak, maar terselfdertyd gesondheidsmaatreëls in werking stel.”

Pres. Cyril Ramaphosa het Woensdag gesê die land sal teen einde Mei van vlak 4-afsondering na vlak 3 beweeg. Dié aankondiging is wyd gekritiseer en politici en ekonome is van mening dit sal katastrofies wees vir die ekonomie indien afsondering in sy huidige vorm nie onmiddellik opgeskort word nie.

Tydens vlak 4-afsondering kon ongeveer 1,5 miljoen Suid-Afrikaners terugkeer werk toe.

Ministers het ooreengekom dat dieselfde vlak van afsondering nie deur die bank vir alle dele van die land kan geld nie, aangesien daar verskille in die koers van infeksies is. “Daarom sal die vlakke van afsondering verskil tussen onderskeie metro’s en munisipaliteite.”

Ministers het toegegee daar was aansienlik verwarring oor vlak 4-regulasies. “Dit het aanleiding gegee tot die oneweredige vertolking en toepassing van die regulasies. Daarom het ministers hulle daartoe verbind om die regulasies te hersien ten einde die nodige duidelikheid en verbeterde nakoming te verseker,” sê die kabinet.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
JM

Wie maak deel uit van die coronavirus-bevelraad?

Willem

Klomp narre

marius

Kan daar aaseblief uitgevind word of hierdie mense kruie tee vanaf madagaskar aangekoop het . Die wgo moet nou bontstaan omrede hul nie wil goedkeur dat dit die virus voorkom en genesende eienskappe het nie. Dit is volgens wgo reeds na afrika lande uitgevoer .

Pieter

Ek wonder waar was julle klomp op skool

antieke antie

die kaapse probleem is dat ‘our people from africa’ nog nie luister en na die reels luister en toepas nie….want die siekte kies mense op hulle velkleur