Kabinet oorweeg nóg geld vir Eskom

beurtkrag-kers

Argieffoto.

Die kabinet het die sukkelende Eskom se finansiële verknorsing vandeesweek bespreek en kyk weer na maniere om die kragreus te help.

Volgens die regering was opwekking die afgelope week bestendig, maar daar was ʼn groot getal onbeplande onderbrekings. Die regering sê in ʼn verklaring die tegniese hersieningskomitee wat die minister van openbare ondernemings, Pravin Gordhan, aangestel het, sal sommige van sy werksaamhede volgende week afhandel.

Dit sal die regering ʼn voorlopige aanduiding gee van die situasie by Eskom se kragsentrales en gaan help met die inwerkingstelling van ʼn “strawwer program om kragsentrales te onderhou sodat die opwekkingstelsel oor die volgende paar weke en maande gestabiliseer kan word”.

Die Nasionale Tesourie het Eskom in Februarie van R23 miljard per jaar, oor die volgende tien jaar, verseker.

Eskom het verlede week Fase 4-beurtkrag ingestel weens ʼn rits aanlegte wat onklaar geraak het. Sikloon Idai wat Mosambiek vroeër getref het, het ook veroorsaak dat krag nie van daar af ingevoer kon word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
ne

Gee meer geld! Hulle het bonusse nodig.

Santjie

Sorteer net die onwettige verbindings uit en die wat nie hul rekenings betaal nie!! Hoekom moet ander wat wel hul rekenings betaal gestraf word?

Paul

Kan jy glo. Maroela media beskou Eskom as ‘n kragreus. Dan weet ek nie wat die betekenis is van ‘n reus nie.

Ella

Nee nee nee
So gaan staatskaping voort. Kastig vir Eskom maar miljoene beland dalk in hoeveel ander se sakke.
Ons kan wragtig nie meer nie. Die DA kry die armes jammer maar ons is al almal arm.
Wie oudit al die geld wat aan Eskom gegee word om seker te maak dit word reg aangewend? Of gaan hulle na wilkekeur aan?
Eskom is n staatsinstelling so hulle gee geld vir hulleself.
“Siek” kan nie beskryf hoe siek die staat is

Salamander

Dis tyd dat Eskom op n kwartaalikse basis ge-oudit word. Baie streng en onafhanklik, soos n kind wat deurentyd oogepas word.