Kabinet sê oor plaasmoorde

(Argieffoto: Lorraine Claasen)

Die kabinet het sy volle steun toegesê aan die inhegtenisneming van diegene wat gruwelike misdade pleeg, waaronder die marteling en moord op boere en plaaswerkers.

“Die boerderygemeenskap is ’n integrale deel van ons ekonomie en misdaad op plase hou nie net ’n bedreiging in vir boere en plaaswerkers se persoonlike veiligheid nie, maar ook vir die land se voedselsekerheid.”

Die kabinet het Woensdag virtueel vergader.

Die regering se implementering van die hersiene landelike beveiligingstrategie word volgens die kabinet bespoedig om sodoende op landelike gemeenskappe se veiligheidsbehoeftes te reageer en hul sosio-ekonomiese ontwikkeling te steun.

Die kabinet doen ’n beroep op landsburgers om die Suid-Afrikaanse Polisiediens by te staan in die stryd teen misdaad deur by  gemeenskapspolisiëringsforums in te skakel en om misdaad by hul naaste polisiestasie aan te meld.

“Ons moet saamwerk om misdaad in ons gemeenskappe uit te roei en ons land veiliger vir almal te maak.”

Nasionale raad vir ekonomiese herstel goedgekeur

Die kabinet het ook die totstandkoming van die nasionale raad vir ekonomiese herstel goedgekeur. Dié raad is op die been gebring om die implementering van pres. Cyril Ramaphosa se ekonomiese herstelplan te monitor.

Pres. Cyril Ramaphosa (Foto: GCIS)

Luidens die verklaring sal die raad onder die president se voorsitterskap wees en bestaan uit die adjunkpresident, die minister in die presidensie en al die ministers in die ekonomiese groepering.

Dié raad sal maandeliks vergader.

Verlengde ramptoestand

Volgens die kabinet sal die onlangse verlenging van die ramptoestand die regering in staat stel om die verspreiding van die koronavirus verder te bekamp.

Maroela Media het vroeër berig die kabinet het verlede week die land se ramptoestand met nóg ʼn maand tot 15 November verleng.

Dié besluit het wyd kritiek ontlok.

“Terwyl Suid-Afrika ’n geweldige afname in die verspreiding van Covid-19 gedurende die afgelope maande beleef, bly die virus by ons,” sê die kabinet.

Die kabinet doen opnuut ’n beroep op Suid-Afrikaners om sosiale afstand te handhaaf, hul hande te was en gesigmaskers te dra.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

31 Kommentare

jongste oudste gewildste
Genis

VAT DIE EFF VAS RAMAPADAPOT… Hoe duld die kabinet hulle? KOM WAAR IS ONS ADVOKATE.. Wil julle my se hier is niemand wat hulle staal kan wys nie?

Tsek!

Wait a minute….ons President se dan daars geen plaasmoorde in SA nie…nou wat nou ???

Wilhelm

Praat, praat, praat… maar ek verwag absoluut niks. Bheki Cele wat langs Julias Malema in die hof sit waar plaasmoord aanvallers voorkom, kort nadat hy(Julias) Kill The Boer gesing het, is basies die uitbeelding van die staat se houding teenoor witmense.

Suzette

Misdaad moet by die naaste polisiekantoor aangemeld word ….. ek stop maar hier…..

Deon

Ek sien nie aksie nie, ek lees van vergaderings hier en vergaderings daar. En die plan en daai plan. En ons gaan so maak en ons gaan sus maak…. En intussen het hierdie plaasmoordenaars glad nie eers spoed verloor nie. Wanneer hou hulle op om te praat wanneer sien ons AKSIE!!!!