Kabinet vra insette oor NGV

Minister Jackson Mthembu gee terugvoer oor die kabinetsvergadering. Foto: Elmond Jiyane/GCIS

Die kabinet het alle Suid-Afrikaners gevra om insette te gee oor die omstrede nuwe nasionale gesondheidsversekering (NGV) noudat die konsep-raamwerk daarvoor gepubliseer is.

Die kabinet voer aan die doelwit van die NGV is gelyke toegang tot gesondheidsorg, en het die versekering gegee dat dit op ʼn gestruktureerde, verantwoordelike en planmatige wyse in fases geïmplementeer sal word.

Die kabinet het voorts bevestig dat basiese dienslewering deur die staat voortaan grootliks op distriksvlak in die 44 distrikte en agt metro’s sal plaasvind eerder as in elke munisipaliteit, ten einde dit beter te bestuur.

Die kabinet het die Wetsontwerp op die Beskerming van Behuisingsverbruikers goedgekeur, wat die Behuisingsbeskermingswet van 1998 vervang.

Die nuwe wetsontwerp het ten doel om ontwikkelaars en huisbouers te reguleer, huisbouers en huiseienaars teen swak dienslewering te beskerm, wetstoepassing te versterk en strawwe teen huisbouers wat regulasies en wette oortree te verskerp.

Gesubsidieerde behuising en behuising wat aan die staat behoort, sal ook onder die wet ressorteer.

Ten laaste het die kabinet hulde gebring aan verskeie Suid-Afrikaners wat ʼn groot bydrae tot die land gelewer het, by name regter Edwin Cameron van die Konstitusionele Hof vir sy lewensbydrae ter bevordering van die belange van die kwesbaarste mense van ons land. Cameron het pas afgetree.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Johan

Hulle luister na geen goeie raad nie. Dit is net ‘n blufspel om insette te vra….

Arno Scheepers

Hoekom jou tyd mors, die vra van insette is om die publiek te paai . Die anc regering sal nooit na insette luister nie. Hulle besluite is lankal geneem en die vergoeding is lankal ontvang.

Judge Dredd

Hulle het dan klaar besluit wat hulle wil doen?

JohanR

Wees bang Suid Afrika, baie bang vir hierdie stuk wetgewing. As dit nou nag Nella is vir medies in SA, gaan dit na die stuk wetgeving, permanent donkerte wees. Die ANC will nou medies uit privaat hande uitneem, en in regering hande insit. Ons weet almal hoe goed dit all in 25 jaar gewerk het! Totsiens SA doctors en verpleegsters. Wees bang, wees baie bang!

Ander Koos

Lewer inset net om van die tafel gevee te word soos al die 100 de duisende insette oor onteiening sonder vergoeding van die tafel gevee en geignoreer is. anc hou van geld- en tydmors