Kakamas-moord: Man laat vaar borgtogaansoek

Jannie Hough. Foto: Verskaf deur SAPD.

Hendrik Dawson (29), die man wat vroeër vandeesmaand in hegtenis geneem is in verband met die moord op Jannie Hough (64) van Kakamas in die Noord-Kaap, het Vrydag sy aansoek om borgtog laat vaar.

Kapt. Francois Steenkamp, woordvoerder van die polisie, het dié nuus bevestig.

Dawson het Vrydag in die landdroshof in Kakamas verskyn. Die moordsaak is uitgestel tot 14  Desember.

Maroela Media het vroeër berig Hough het verlede Woensdag omstreeks 07:00 na Langverwag in Kakamas gegaan om sy tuinier, ʼn man in sy laat 20’s, te gaan oplaai vir werk. Hy het nooit teruggekeer huis toe nie en die werker is later gewaar waar hy met Hough se voertuig rondgery het.

Steenkamp het vroeër verduidelik ʼn boer in die omgewing het die beskuldigde naby sy wingerde sien ry met Hough se bakkie. Die boer het hom gekonfronteer en gesien hy het rooi vlekke wat soos bloed lyk op sy hemp. Die verdagte het weggehardloop en die boer het die sleutels gegryp sodat hy nie kan wegry nie. Dawson is toe in hegtenis geneem.

Hough se liggaam is verlede Woensdag omstreeks 11:00 in ʼn oop veld naby Spieëlkop aangetref. Hy is vermoedelik met ʼn mes doodgesteek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Leahim ·

Ek wil vra dat die beskuldigde miskien by n sekuriteits firma of n 24 uur apteek aangehou word die risiko is net te groot om hom aan te hou by die polisie stasie want hulle ontsnapping rekord is nie so goed

Cherokee ·

Hhehaaaaheeeeeehaaaaaaaaaa:-)))
(kommentaar van die dag Leahim)

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.