Kameelperd-ongeluk: “Ek het niks verkeerd gedoen nie”

Foto: Thinus Botha

Foto: Thinus Botha

Die maatskappy wat die kameelperd vervoer het wat Donderdag dood is, het gesê die brug waarteen die dier sy kop gestamp het, was te laag, het Beeld Saterdag berig.

“Ons het teen 48 km/h gery en veilig onderdeur 31 brûe gery,” het Dirk Boshoff, bemarkingsbestuurder vir Ditjabe-natuurlewedienste, aan die koerant gesê. “Daar was geen waarskuwing dat die Garstfontein-brug onveilig is nie. Ek is nie hier om diere dood te maak nie. Ek vervoer hulle net.”

Hy sê hy het Donderdag agter die vragmotor en sleepwa gery wat die twee kameelperde van Meyersdal Eko-landgoed in Alberton vervoer het. Die kameelperd het sy kop op die N1 in Pretoria gestamp terwyl hy saam met ʼn ander kameelperd vervoer is.

Ken Herrison, ingenieur van die Gautengse hoofwegverbeteringsprojek (GFIP), het egter aan Beeld gesê daar is niks verkeerd met die brug nie en dit voldoen aan alle wetlike vryruimte-bepalings.

Die Nasionale Dierebeskermingsvereniging (NDBV) oorweeg steeds om klagtes aanhangig te maak teen die bestuurder kragtens die Dierebeskermingswet en het Vrydag bevestig hy ondersoek die saak.

Lees ook:
DBV oorweeg klagtes na kameelperd se dood
Kameelperd vrek ná noodlottige kopstamp op PTA-snelweg

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Somerset (Sommie) Morkel

Nee, niks verkeerd gedoen nie…. was net bietjie baie stupid…

wessel vosloo

Hoekom kon die diere nie vervoer word met ‘n lowbed nie ? dan sou die diere nie seergekry het nie-meeste besighede wat diere vervoer moet juis lowbed sleepwaens he die padwet vereis dit as hulle vervoer word

andries

Gaan dat hulle jou driedumensie toets,jy behoort aan te voel dat die brug te laag is. Ek dink jy het n groot probleem.

Annamarie

Dis ‘n vreeslike onnodige tragedie. Dit help nie klippe word heen en weer gegooi nie. Ek sou voorstel dat diere wat vervoer word eerder aan die slaap gemaak word…ek kan net dink hoe traumaties daai rit vd 2 pragtige diere was. Shame man, hulle is bos diere en nie aand karre en hoofweë gewoond nie. Ek voel regtig daar moet gekyk word na die veiligste manier om alle groot diere te vervoer. Staan eerder saam en werk van hier af. . .almal maak foute maar word nie so gekritiseer of vervolg nie.

Paul Smith

Vrydagoggend op RSG gehoor dat dit die soort ouens is wat in jou posbus gaan skree as hy vir jou ‘n voicemail wil stuur. Baie, baie stupid.