Kantoor veilig verklaar ná petrolbom

Die ingang van die departement van gesondheid se gebou in die Pretoriase middestad na die brand. Foto: Twitter

Die ingang van die departement van gesondheid se gebou in die Pretoriase middestad na die brand. Foto: Twitter

Die kantoor van die nasionale departement van gesondheid in Pretoria se middestad is veilig verklaar nadat ʼn man Woensdag ʼn petrolbom na die ingang van die gebou gegooi het.

“Die gebou is veilig verklaar en beamptes is terug by die werk,” het Joe Maila, woordvoerder van die minister van gesondheid, Vrydag gesê.

Die polisie en die Tshwane-brandweer het saam die veiligheid van die gebou verseker voordat personeel weer daar toegelaat is.

Werkers is Woensdag uit die gebou ontruim nadat ʼn 54-jarige man ‘n petrolbom na die ingang van die gebou gegooi het en ‘n brand veroorsaak het. Die brand is egter gou geblus en die werkers is vir veiligheidsonthalwe ontruim. Niemand is tydens die voorval beseer nie.

Die verdagte is in die polisie se aanhouding, en ʼn saak van brandstigting word ondersoek. Die rede vir die voorval is nog nie amptelik bekend nie. Volgens berigte is die verdagte glo ʼn MIV-leier en was hy ontsteld omdat hy nie medikasie kon kry nie.

Lees ook:
Gesondheidsdepartement se gebou glo met petrolbom bestook

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.