‘Kaper’ doodgeskiet toe hy Porsche probeer vat

(Foto: ER24)

’n Vermeende kaper is Donderdag vroegaand naby die Voortrekkermonument in Pretoria doodgeskiet toe hy glo die bestuurder van ’n Porsche Cayenne wou kaap.

Ross Campbell, woordvoerder van ER24, sê paramedici, die polisie en veiligheidsmaatskappye is omstreeks 18:30 na Ou Johannesburgweg ontbied waar hulle die man met ʼn skietwond aangetref het.

Hy het in die pad gelê en was in daardie stadium in ʼn bedenklike toestand.

Volgens Campbell het die man, vermoedelik 30 jaar oud, se toestand vinnig versleg en hy is op die toneel dood verklaar.

Besonderhede omtrent die voorval is in hierdie stadium nog onduidelik.

Maroela Media het ’n navraag aan die polisie gerig en wag op terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
Eltan

Dit is goed om al hoe meer te lees van kapers/rowers wat in hul spore gestuit word..
Wees gewaarskuu..die mense is moeg vir geweld ens… en begin hylself nou verdedig want die polisie is onbevoeg..
As ons nog tempo kan opbou roei ons al die misdadigers sommer self uit..

Aai

Weet hulle gee jou n ligte stamp en as jy uitklim roof hulle jou kar maar die lyk meer na n ongeluk vir my wat skeefgeloop het.

Niklaas

Kaper het toe sy moses teègekom, want Porche eienaar was onsportief en wou nie die motor sommer so oorhandig nie. Deesdae wen jy net as jy eerste en vinnigste skiet. Daar is nie eintlik genadiglike kapers nie. Dis desperate mense daardie !

Stefan

Hoop net die die eienaar kry veel moeilikheid hieroor nie.

Sarel

Wel….last dit nou vir hom les wees