ʼn Vermeende kaper is Donderdag by Mariannridge, naby Pinetown in KwaZulu-Natal, noodlottig gewond toe hy hom teen die polisie verset het.
“Die verdagte het ’n man in ʼn Toyota Hilux genader en voorgegee hy wil sy bakkie huur, waarna hy hom met ʼn mes gedreig en met die bakkie spore gemaak het,” het maj. Thulani Zwane, provinsiale polisiewoordvoerder, gesê.
Volgens Zwane is die kaping by die polisie aangemeld en beamptes was op die uitkyk vir die bakkie. “Die bakkie is in Thornwoodweg in Marianhill opgemerk. Die verdagte het die bakkie tot stilstand gebring, maar hom teen inhegtenisneming verset. Hy het ʼn mes uitgepluk en ʼn polisiebeampte in die maag gesteek,” het hy gesê.
Zwane het gesê die polisiebeampte het uit selfverdediging die verdagte geskiet. “Die verdagte wat vermoedelik in sy 20’s is, het op die toneel aan sy wond beswyk.”
Die polisiebeampte is na ʼn plaaslike hospitaal vir behandeling geneem.
Hey Man!! mens kom nie na ‘n Gun Fight toe met ‘n mes nie!!!
Heehaaheeee…!!
Hahaha dis doodreg so
Een misdadiger minder. Polisie moet geweld met geweld beantwoord waar nodig.
Vermeende kaper regtig jy meen besigheid on bewapen n misdaad te gaan pleeg man van geregtigheid Ek hoop jy herstel gou ons publiek het jou nodig
Give that man a ” BELLS ” o sorry a ” CASE OF BELLS “
Ek stem saam met die Bells ding,polisie hou aan met die goeie werk
Dit is regtig jammer dat hy die beampte eers met die mes moes steek voordat die beampte uit noodweer kon skiet.