Kapers ry met seun (3) weg

Opvolg: ‘n Vrou is in hegtenis geneem. Lees meer hier.

Argieffoto

Argieffoto

Die polisie in Pretoria is op soek na ʼn driejarige seuntjie nadat kapers na bewering sy ma uit die motor gestamp en met hom weggejaag het.

Kapt. Marissa van der Merwe, woordvoerder van die polisie, het aan Maroela Media gesê die vrou het glo Donderdagoggend drie rylopers op die Molotopad, noord van Pretoria, opgelaai. Die mans het die vrou versoek om hulle na die Kameeldrift-polisiestasie te neem.

Naby die stasie het hulle haar glo gedreig dat sy verby moet ry. Die kapers het haar na bewering in Buffelsdriftstraat gedwing om stil te hou en haar met haar handsak uit die motor gestamp. Hulle het met haar seuntjie steeds in die motor weggejaag.

Van der Merwe het bevestig dat die motor later in Kwamahlanga in Mpumalanga gevind is, maar die seuntjie is steeds soek. Die motief vir sy ontvoering is nog nie vasgestel nie.

Volgens Van der Merwe het die vrou nie die mans geken nie. Dit is nie duidelik of hulle vuurwapens by hulle gehad het nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

52 Kommentare

jongste oudste gewildste
m

Ag nee rerig, is daar regtig nog sulke dom mense wat rylopers oplaai. In hierdie siek land DOEN JY DIT GLAD NIE. Hoop net die arme kind is veilig.

Cliff

Nou hoe laai ‘n vrou alleen deesdae nog drie onbekende mans op wat ryloop. ?

Debbie Reynders

Asb Here hou U hand oor hom en bring hom veilig terug na sy ouers toe. Waarna toe gaan die land van ons?

debbie

Vertraag regtig, is die kind al gevind, is daar nie fotos van hom wat mens kan verspry nie

Debbie Reynders

Asb Here hou U hand oor hom en bring hom veilig terug na sy ouers toe. En vir die MA het ek nie woorde nie hoe tel jy iemand op langs die pad en dan is dit nog 3 ook dink n bietjie.