Paramedici het Donderdagoggend die man stabiliseer (Foto: Verskaf)
ʼn 50-jarige man veg vir sy lewe in die hospitaal nadat hy Donderdagoggend tydens ʼn kapingsvoorval in die Isipingo-omgewing in die suide van Durban in die kop geskiet is.
Volgens Kyle van Reenen, woordvoerder van Emer-G-Med, is paramedici omstreeks 07:00 na die toneel ontbied. Daar het hulle die man met ʼn skietwond aan die kop aangetref. Hy was in ʼn kritieke toestand.
“Paramedici het die man op die toneel gestabiliseer voor hulle hom op ʼn meganiese ventilator vir suurstof geplaas het,” sê Van Reenen.
“Hy is daarna per helikopter na ʼn gespesialiseerde fasiliteit vervoer vir verdere mediese versorging.”
Die polisie ondersoek die voorval, maar het nog nie op Maroela Media se navraag gereageer nie.
Vergeet hierdie mense regte twak . Onthoof in die openbaar en die gemors sal ophou . Punt .
Absoluut.