Kapers vermoor vrou vroegoggend by oorgang

‘n Skermgreep van die video wat wys hoe die vrou gekaap word. (Video: Twitter)

Beeldmateriaal van ʼn vrou wat vroegoggend by ʼn oorgang in Johannesburg deur kapers doodgeskiet en dan bloot in die pad agtergelaat word, is met afgryse bejeën.

Die vrou hou omstreeks 05:30 Vrydag stil by die oorgang in Bramley, waarna vier aanvallers haar motor omsingel. ʼn Ander motoris nader die oorgang stadig en versnel dan – moontlik omdat dié persoon besef wat aan die gang is.

Die vrou se motor beweeg stadig tot in die oorgang, een van die kapers stap weg, keer terug na die motor en spring dan saam met sy drie makkers in die voertuig, waarna hulle wegjaag.

Die slagoffer se liggaam bly in die oorgang agter.

Kapt. Kay Makhubela, Gautengse polisiewoordvoerder, het gesê niemand is nog in verband met die voorval in hegtenis geneem nie. ʼn Saak van moord en kaping word ondersoek. Volgens die polisie is die vrou vermoedelik 45 jaar oud.

Hy het gesê alle moontlike leidrade, ook die beeldmateriaal, sal opgevolg word om die kapers te probeer opspoor.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

63 Kommentare

jongste oudste gewildste
Patch

Helder oordag!!!!!!!!!!!!!!!!! Hulle is bang vir niks en niemand. Woorde kan nie my woede beskryf nie.

Michael P

Om hulle niks oor kom nie Dit is stemme vir die ANC.

Melanie

In die land het misdaad die hoogte in geskiet en daar is geen beheer oor hulle.Mense se lewe is niks werd meer.

potlood

Hoekom sal hulle bang wees die polisie is n grap en sou hulle per ongeluk gevang word net 2% word suksesvol vervolg en dan sit jy met tronke wat 150% oorbevolk is en is jou kans goed om minder as n kwart van jou vonnis uit te dien ,nou waarvoor sal hulle bang wees ?

Annie

Dit is ‘n goeie idee. Ons het sirkels in ons dorp en die verkeer vloei gemaklik. Nie nodig om lank stil te staan soos by ‘n robot nie. Sterkte aan die familie.