Kapers wat man doodskiet nog op vrye voet

Paramedici op die toneel. (Foto: Netcare 911)

Niemand is nog in hegtenis geneem nadat ʼn 51-jarige KwaZulu-Natalse motoris Saterdag buite sy huis tydens ʼn kaping doodgeskiet is nie.

Kol. Thembeka Mbele, woordvoerder van die polisie, sê beamptes is steeds op soek na die twee kapers wat die motoris buite sy huis in Kieslaan, Reservoir Hills in Durban, oorval het. Die kapers het die man geskiet, sy Toyota Corolla gekaap en op die vlug geslaan.

Volgens Mbele is die voertuig later verlate in Pinetown gevind.

Shawn Herbst, woordvoerder van Netcare 911, sê paramedici is omstreeks 13:45 na die misdaadtoneel ontbied. Volgens Herbst is die man in sy bors geskiet en was hy by paramedici se aankoms in ʼn kritieke toestand.

Paramedici het probeer om die man te stabiliseer, maar dit was tevergeefs en hy het op die toneel gesterf.

Die polisie het nog nie die oorledene se naam bevestig nie. Sake van moord en voertuigkaping word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
Johann cb

Hoekom word voertuie gekaap en later iewers verlate gevind? Wat is die kapers se idee daarmee?
Ek praat nie eers van die onnodige lewensverlies nie!

Cherokee

Dalk ‘n beplande sluipmoord.

willem Botha

Natuurlik sal hulle nog op vrye voet wees sa het nie polisie diens nie ,die familie sal weer n privaat speurder moet aanstel.

Oujongvrou

Dis gehuurde moordenaars wat dit moet laat lyk soos n kaping. En dit gebeur al meer en meer.

saartie

Dalk was die bende in blou dalk nog verantwoordelik gewees ek vertrou hulle gladnie