Persone wat Vrydag ʼn voertuig van Suid-Afrika na Zimbabwe wou smokkel, se poging is gestuit toe Limpopo se polisiekommissaris die voertuig vanuit ʼn helikopter opgemerk het.
Brigadier Motlafela Mojapelo, woordvoerder van die polisie, het gesê lt.genl. Nneke Ledwaba het Vrydagoggend ʼn intensiewe operasie in Musina en Beitbrug gelei. “Nadat hy die padblokkade besoek het, het hulle in ʼn helikopter oor die gebied gery om dit te patrolleer, toe hy ʼn gryskleurige Toyota in ʼn rivier opgemerk het.”
Die motor was halfpad onder water en die smokkelaars wou van vyf donkies gebruik maak om dit aan Zimbabwe se kant van die grens uit die water te trek. “Toe hulle die polisie sien, het hulle in Zimbabwe in gevlug. Die motor is steeds in die water. Sodra dit uitgehaal is, kan die oorsprong en eienaar bevestig word.”
dis nou n waterkar. Wat sal smokkelaars nog doen. iewers in Zim moet n fabriek wees wat hierdie karre weer herstel.
Liewe genade wat nog!
Mens ry nie in ‘n helikopter nie, jy vlieg!
Baie oplettend. ?
Het jy dit gegoogle.
Gesoute helikopter vlieëniers sal eerder sê jy dryf hom.
En jy ry nie ‘n Toyota nie, jy vaar hom.
Die Toyota ry ook nie. Hy vaar.
hehe skerp
Jammer Joe. Jou kommentaar was eerste. En hier het Toyotas ook nie pêrdekrag nie…..
Onthou julle: “Alles loop reg, altyd reg, Toyota.”
Daai Toybota hoef net so ‘n uur in die son staan om af te droog, dan is hy reg vir nog jare se harde werk.
Net as die Toyota `n Landcruiser is.
Top bestuur doen nou die konstabel se werk.
Die eienaars van die Toyota is duidelik nog dommer as die Zim diewe.
Eienaars van die Toyota het Verseker al ‘n Toyota van die versekering?
Max hoe dan nou anders? Die SAP het meer generale as die hele Amerikaanse Weermag.
Skerp polisie werk. Nou weet ons waar gaan al die Toyata’s heen wat gekaap en gesteel word.
Die polisie in helikopter met die diewe wat weghardloop, kon hulle nie versterkings ontbied en die diewe in hegtenis neem nie.
Daardie model vaar in knope en ry nie in kilometers nie .
Tonne ou yster op twee aste…TOYOTA
Hierdie tipe misdaad het nie gebeur toe ons nog die grense opgepas het nie. Skokkend.