‘Katastrofiese’ brandstofstyging wag dalk

Argieffoto (Foto: Paul Brennan/Pixabay)

Motoriste kan in November moontlik weer ’n aansienlike styging in die brandstofpryse van amper R1 in petrol en meer as R1 in diesel en paraffien verwag. Die Automobiel-Assosiasie (AA) het dié styging as katastrofies beskryf, veral in die lig van stygings die afgelope maande.

’n Brandstofprysstyging van 30% is oor die afgelope 11 maande aangemeld en in September het die brandstofpryse ’n rekordhoë vlak bereik.

’n Verdere brandstofprysstyging kan onder meer toegeskryf word aan die swak rand en skerp styging in die oliepryse, meen kenners.

Na gelang van die data wat op 14 Oktober deur die Sentrale Energiefonds (CEF) bekendgemaak is, word ’n moontlike styging van 98c per liter in 95-oktaan-petrol met 98c en 96c per liter vir 93-oktaan-petrol verwag. Diesel met ’n swaelinhoud van 0,05% kan met R1,41 per liter styg en diesel met 0,005% swaelinhoud met R1,42 per liter. Vooruitsigte toon ook dat paraffien moontlik met R1,42 per liter kan styg.

Motoriste in die binneland sal onderskeidelik R19,30 per liter vir 95-oktaan‑petrol en R17 vir diesel betaal. Dit beteken die petrolprys het sedert Januarie met R4,44 per liter gestyg, aangesien motoriste toe R14,86 per liter betaal het.

Volgens die AA sal dié styging in die diesel- en paraffienprys die grootste in die Suid-Afrikaanse geskiedenis wees.

“Motoriste kan dalk nog voor die einde van die jaar R20 per liter vir petrol betaal,” het die AA Maandag in ’n verklaring gesê.

Brent-ruolie het teen Maandagmiddag teen $85 per vat (ongeveer R1 254) verhandel en volgens die AA verwag hy nie dat dié prys binnekort sal afneem nie, veral omdat die vraag na olie waarskynlik sal toeneem namate die Noordelike Halfrond die winterseisoen betree.

Die gemiddelde rand-dollar-wisselkoers het van R14,55 tot R14,90 verswak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

47 Kommentare

jongste oudste gewildste
Pieter

Weet die goed maak nie baie sin nie. EK dink regtig Sasol moet ons Petrol hier hou en dat ons goedkoper kan ry.

Pieter

Moenie worry nie. Niemand sal kan gaan vakansie hou nie. Behalwe om die Covid wave te surf.

Belinda

ja en so word almal net nog armer want dan gaan alles weer op, en wanneer die prys eendag weer sak, bly die pryse in die winkels nogsteeds dieselfde.

VaalDonkie

Sal maar sonder petrol moet begin ry

JohanR

Het iemand miskien ‘n idee wat die petrolprys was op Mei 10 1994 toe pres Nelson Mandela ingehuldig is, en nou 27 jaar later? Toe ek oorsee was in April 1988, was die wissel koers R1.71 vir $1. Toe kon jy nog drink, vreet, vry, kuier en tekere gaan in Europa, en die Verenigde Koninkryk. Vandag : R14.75c vir $1. Jy kan seker nie eers vis en tjips toegedraai in koerant papier kry daar by Victoria Bus Stasie vandag nie. Vandag : R20.24 vir £1. Hoe agteruit het ons gegaan in 27 jaar?