ʼn 29-jarige man is Sondag in hegtenis geneem in verband met sy meisie se moord, het die polisie in die Oos-Kaap Sondag gesê.
“Die vrou, ook 29 jaar oud, en die kêrel het glo in hul plakkershuis in Willowvale-informele nedersetting begin baklei,” het kapt. Jackson Manatha, woordvoerder van die polisie, gesê. “Die man het die vrou glo met ʼn mes aangeval en in haar bors gesteek.”
Sy is na die Willowvale-gesondheidsentrum gehaas, maar sy is met haar aankoms dood verklaar.
Manatha het gesê die man het homself aan die polisie oorgegee en erken dat hy sy meisie vermoor het. “Hy is in hegtenis geneem op aanklag van moord en sal Dinsdag in die Willowvale-landdroshof verskyn.”
Ek waag dit om die afleiding te maak dat die drank weer gepraat het. Die aard en waar dit gebeur het noop my om te vra dat Maroela Media dalk hierdie nuusberigte eers beter moet sif voor publikasie want hierdie een is redelik algemeen en nie eintlik nuus.