KFC-‘aanranding’: Drie borgtog geweier

‘n Skermskoot uit die video.

Die polisie het Sondag bevestig drie van die vier mans wat in hegtenis geneem is in verband met die beweerde aanranding van ʼn egpaar by ʼn KFC-restaurant in Pretoria is deur die Pretoria-landdroshof borgtog geweier.

Kapt. Kay Makhubela, woordvoerder van die polisie, het die mans as M Harding (23), O Muller (20), RJ Nel (39) en DJ van Rooyen (21) geïdentifiseer. Makhubela het gesê al vier het Vrydag in die hof verskyn op aanklagte van aanranding en die rig van ʼn vuurwapen.

Drie van die mans is egter borgtog geweier, terwyl die vierde wel op borgtog vrygelaat is. Volgens Makhubela het van die beskuldigdes valse adresse aan die polisie verskaf en is dit een van die redes hoekom hul borgtog geweier is.

“Die ander drie verdagtes sal hierdie komende Vrydag om borgtog aansoek doen,” het hy gesê. Makhubela het bevestig dat van die beskuldigdes nog aanklagte van aanranding teen hulle hangend het.

Hy het gesê die polisie is steeds op soek na nog twee verdagtes wat na bewering by die voorval betrokke was.

Maroela Media het vroeër berig ʼn video van die voorval, wat by ʼn KFC-restaurant in Montana plaasgevind het, is die afgelope week wyd op sosiale media versprei. Die beeldmateriaal toon hoe ʼn groep van ses mans na bewering vir Jacob Sono en sy vrou aanval nadat die egpaar die mans gevra het om vorentoe te beweeg in die deurrybaan by die KFC-restaurant.

Die voorval is wyd veroordeel en deur verskeie individue en groepe as ʼn rasse-aanval bestempel. KFC het intussen ook die voorval veroordeel en gesê die restaurantgroep is gekant teen geweld van enige aard en “die beeldmateriaal is onverskoonbaar”. “Dankie aan Fikile Mbalula [minister van polisie] en sy SAPD-span vir hul vinnige optrede in die verband,” het KFC Sondag op hul amptelike Twitter-blad gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

51 Kommentare

jongste oudste gewildste
Suez

Aggg nee,nou is die aanval weer andersom,name word bekend gemaak MaAAR DAAGLIKS GEBEUR SOORT GELYKE EN WREDER AANVAL,DAN GEEN MELDING OOIT GEMAAK OF NAME bekend gemaak nie!!ONREGVERDIG!!!!

Johanna Botha

Ek skaam my vir die mense !

Ester

Hoekom word blanke mense se name altyd vrygestel in die media as daar iets rasisties plaasgevind het maar nooit word daar ander kleuriges se name bekend gemaak nie…. Hoekom moet dit altyd in n rasistiese ding omskep word!!!! Selfs plaas moorde word die aanvallers se name nooit gese nie… En dis altyd blanke plaas aanvalle… Hoekom moet alles rassisties wees……

Mix

Wat het gelei tot die konfrontasie? Verseker kan dit nie nèt wees omdat een persoon ordentlik gevra het dat die ander persoon sy kar moet voorentoe trek nie? Dit klink weer na n spur ding… net die een kant van die storie word vertel

Deirdre zeelie

Hier le my simpatir by Jacob en sy vrou, lieg al klaar oor hul adres en vorige veroordelings teen hulle, in watter eeu leef hulle, hof moet. Maar hul tjank aftrap,vbombasties om die minste te se