KFC-voorval: Beskuldigdes bly in aanhouding

tephan Nel, Dicky Junior Van Rooyen, Harding, Ockert Muller en Joshua Schultz in die Pretoria-Noord-landdroshof. (Foto: Maroela Media)

Vier van die vyf mans wat daarvan beskuldig word dat hulle Jacob Sono en sy vrou, Dudu, op 2 Augustus by die KFC-deurrybaan in Montana, Pretoria, aangerand het, het Donderdag weer in die Pretoria-Noord-landdroshof verskyn.

Landdros Motlhoki Rapulana het opdrag gegee dat Stephen Nel (39), Joshua Schultz (21), Dicky Junior van Rooyen (21) en Marius Harding (23) weer op 18 Oktober in die hof verskyn.

Harding het sy aansoek om borgtog vroeër laat vaar weens ʼn uitstaande klag van diefstal in KwaZulu-Natal. Muller is vroeër reeds op borgtog van R5 000 vrygelaat. Muller sal volgende keer weer saam met sy medebeskuldigdes verskyn.

Die staat het Donderdag die uitstel versoek. Hulle het uitstaande verslae van sekere getuies en die ballistiese ondersoek as redes vir die uitstel voorgehou.

Hulle staan tereg op aanklagte van poging tot moord, aanranding met die doel om ernstig te beseer en die rig van ʼn vuurwapen.

Twee polisiebeamptes wat as staatsgetuies optree, het vroeër getuig die vyf het met ʼn gemene doel voor oë opgetree en dat die aanval rasgedrewe was. Video’s van die voorval is wyd op sosiale media versprei.

Nel, Van Rooyen en Schultz se borgtogaansoek is op 30 Augustus deur landdros Mothloki Rapulana van die hand gewys.

Lede van die ANC-vroueliga was Donderdag in die hof teenwoordig.

Lees alle vorige berigte oor die KFC-voorval op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Zumie

Nog ‘n “rassisme show trial” (skou verhoor) vir propaganda doeleindes

Henriette

Bly bid ons land sal regkom.

Se net

Johan jou aanmerking is ongevraag. Dan moet die mense met “ou manne haarstyl” ook maar tronk toe gaan aangesien nie almal van die ou manne haarstyle hou nie. Miskien moet jy ook maar ‘n meer modern haarstyl kry dalk sal jy klas bykry. Ek het drie ordentlike tiener seuns en my eie seun het ook ‘n moderne haarstyl en lyk stylvol, dit is ten alle tye in styl gesny. Hul sou jou en geen ander persoon volgens jou haarstyl as krimineer wat in ‘n tronk hoort, so blatant aangeval het nie. Hul het geleer om ander met respek te hanteer… Lees meer »

Derek

Johan soek net aandag… Tipiese Facebook poster…

Andre

Hierdie KFC storie raak al hoe meer absurd. Klagtes van poging tot moord, die blanke beskuldigdes wat nie borg kry nie, ens. Moordenaars van blankes en/of die voorval waar die sekuriteitswag die blanke dame tromp-op in die bors geskiet het, word op waarskuwing vrygelaat of kry borg. Die skrif is aan die muur, so duidelik soos daglig.