KGG spreek skok en afgryse uit ná Luthuli-huis-voorval

‘n Skermskoot van die geweld buite Luthuli-huis

Die Kommissie vir Geslagsgelykheid (KGG) het sy skok uitgespreek oor die “genadelose aanranding van ʼn hulpelose vroueprotesganger” by ʼn optog Maandag buite Luthuli-huis.

Maroela Media het vroeër berig die ANC in Johannesburg het bevestig dat hy Maandagmiddag een van sy lede geskors het nadat ʼn video van hom die ronde gedoen het waarin hy ʼn vrou buite Luthuli-huis in die Johannesburgse middestad te midde van gewelddadige betogings geskop het.

Javu Baloyi, KGG-woordvoerder, het gesê die kommissie is geskok dat niemand die vrou te hulp gesnel het terwyl sy aangerand was onderwyl sy op die grond gelê het nie.

“Die KGG is net so bekommerd oor die feit dat die polisie nie ingetree het nie – om die aanval stop te sit óf die skuldige in hegtenis te neem. Dit wys duidelik dat die samelewing geweld teen die mees kwesbare groepe genormaliseer het, in dié geval ʼn hulpelose vrou. In 2016 is daar 182 933 gevalle van aanranding aangemeld.”

Verskeie groepe betogers het Maandagoggend buite Luthuli-huis saamgedrom. Een groep was ANC-ondersteuners wat ANC-president Cyril Ramaphosa en “Zuma must fall” ondersteun, terwyl die ander ANC-ondersteuners was wat pres. Jacob Zuma ondersteun en aanvoer “Hands off Zuma”. Lede van die Black First Land First-beweging (BLF) het ook later by Luthuli-huis opgedaag nadat hulle eers op die Gandhi-plein bymekaargekom het.

Op Twitter het gebruikers video’s gedeel van ʼn njala-pantservoertuig met ʼn sleepwa vol doringdraad wat by die toneel opgedaag het. Daar was ook ʼn onderonsie tussen ʼn BLF-ondersteuner wat by die toneel opgedaag het en toe swetsend deur ANC-lede weggejaag is.

ʼn Vragmotor het later opgedaag waarna ʼn struweling tussen ANC-ondersteuners en die mense agter op die vragmotor uitgebreek het. Die vragmotor het glo BLF-lede vervoer. Foto’s en beeldmateriaal van die voorval wys onder meer hoe ʼn man, intussen geïdentifiseer as die ANC-taksekretaris Thabiso Setona, ʼn vrou skop terwyl sy op die grond lê.

Jolidee Matongo, ʼn woordvoerder van die party, het Maandag aan Maroela Media bevestig dat Setona geskors is. Volgens hom het Setona homself ook reeds aan die polisieowerhede oorgegee.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Willie

Onskuldig? Ek betwyfel dit.. Het julle al gehoor wat raak die Black First Land First kwyt? Hulle vloek en is walglik rassisities… Live by the sword, die by the sward…

snoefie

boewery sonder weerga.

mossie

Jy is reg Callie.
Indien dit nie op video vasgele was nie – sou geen haan daaroor gekraai het nie.
Nou is dit net gesig koop.

David

Wanneer gaan die KGG hulle skok en kommer uitspreek teen plaas moorde?

wielie

Blah blah blah Genade hou op PRAAT en DOEN IETS! Gooi die ou in die tronk en kry klaar. Nou gaan daar eers weer geld gemors word op ondersoeke, hofsake en persverklarings! Die was aanranding. Gooi hom ini tronk en spaar geld. Al wat SA se mense deesdae doen is PRAAT en LAWAAI maak maar niemand doen iets .