Ontstoke kiesers trap minister uit oor dienslewering

Nathi Mthethwa. Foto: GCIS/Flickr/GovernmentZA

Nathi Mthethwa, minister van kuns en kultuur en lid van die ANC se nasionale uitvoerende komitee, het gister ʼn vyandige ontvangs gekry tydens die ANC se deur-tot-deur‑veldtog in die W.B. Rubusana-streek in Oos-Londen.

Mthethwa het die Scenery Park informele nedersetting in wyk 10 van die Buffalo City-metro besoek as deel van die regerende party se interaksie met mense op voetsoolvlak, genaamd Thuma Mina, wat deel is van ʼn landwye program.

Nasionale ANC-amptenare is vergesel van lede van die provinsiale en streeksbestuur van dié party. Hulle wou mense aanspoor om vir die verkiesing in Mei 2019 te registreer en seker te maak hul besonderhede op die kieserslys is korrek.

Maar Mthethwa se besoek is oorheers deur probleme rakende dienslewering, soos behuising en sanitasie. Woedende inwoners het hom vertel hulle is keelvol daarvoor dat die ANC-regering hulle afskeep en net onthou wanneer dit tyd raak om hul kruisies te trek.

Die gemeenskap het die party daarvan beskuldig dat hulle net goed genoeg is om die ANC aan die bewind te kry, maar dat hul verteenwoordigers van hulle vergeet sodra hulle die paal haal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
zoom zoom

Maar nog steeds gaan hulle vir die anc stem kom wat wil. Hoekom?? Die anc gaan hulle omkoop met beloftes t hemde en kos pakkies en na die stemme getel is, is julle vergete.

PJC

Ek wonder of hulle besef hulle moet die probleem by die stembus regstel.

Johan H.

Die arrogansie. Die kiessers is slimmer as die x mk,anc, kabinet skelms. Hoop hulle sien hul gaaie!

Skroef

Mense vergeet graag dat jy vir jou eie heil verantwoordelik is. Die staat skuld jou nie n huis, dienslewering of n bord kos nie. JY betaal daarvoor. Dink maar mooi voordat jy agter n toelaag aan teel en betaal jou munisipale rekenings.

Johanna Botha

As net meer mense dit kan begin insien !