‘Kill the boer’ en toe slaan aanvallers toe

Die aanval het in die Porterville-omgewing in die Wes-Kaap plaasgevind. Grafika: Twitter

Net meer as ʼn maand nadat daar op Tobie van Schalkwyk en sy vrou, Desiree, se voordeur die woorde “kill the boer” met spuitverf aangebring is, is dié egpaar op hul plaas net buite Porterville in die Wes-Kaap aangeval.

Sers. Noloyiso Rwexana, woordvoerder van die polisie, sê drie aanvallers het Sondag omstreeks 21:15 op die plaas toegeslaan en die egpaar oorval en aangerand.

Johandre van Zyl, AfriForum se streekshoof van gemeenskapsveiligheid in die Wes-, Oos- en Noord-Kaap, het aan Maroela Media gesê die aanvallers het petrol oor Tobie uitgegiet, maar hy kon daarin slaag om die paniekknoppie te druk voordat die petrol aan die brand gesteek is. Die aanvallers het daarna op die vlug geslaan.

Dit is in die stadium nie duidelik of enigiets uit die huis gesteel is nie.

Nadat hulp by die toneel opgedaag het, is Tobie en Desiree albei na ʼn hospitaal geneem. Die erns van hul beserings is nie bekend nie, maar Rwexana sê ʼn saak van poging tot moord word ondersoek.

Weslander het verlede maand berig die Van Schalkwyk-egpaar het op 14 Oktober wakker geword en gevind dat die woorde “Dubula iBhunu”, “Viva Juju” en “Viva EFF” met rooi verf op hul voordeur aangebring is. Luidens die berig was daar in die tyd ook twee keer verdagtes naby die huis opgemerk, maar het die betreders gevlug voordat hulle die huis kon binnekom.

ʼn Saak van opsetlike saakbeskadiging is aanhangig gemaak in verband met die dreigement op die egpaar se deur.

Desiree het destyds aan die verslaggewer gesê hulle lewe al maande lank in vrees gegewe die toename in plaasmoorde en “politieke leiers wat hul ondersteuners opsweep om mense te vermoor”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

63 Kommentare

jongste oudste gewildste
AmY

Volgende keer moet hulle nie KILL THE BOER sing nie, maar KILL THE FOOD PROVIDER.
Farmers are Food, maar hulle sal dit besef, wanneer dit te laat is.
Ek hoop die boer en sy vrou herstel gou.

Plaas

Kan hulle nie leer uit al die ander buurlande – kyk maar na die omstandighede daar … maar gaan aan op dieselfde trant.
Nou sit almal daar met groot oë en verwag hulp vir hongersnood ensomeer…

toy

Amy ek stem saam.

Debbie

Dit voel of dit onwerklik is..voel soos n stuk uit n riller boek..
Jisss my hart is seer vd mense,en ander kant is my hart soooo swart teen die land,ministers,politiek ens.

Ekt eerlikwaar nie woorde nie- net ‘Mag God saam elkeen van ons wees in hierdie walglike tyd’

A

Asb nou moet Juju (EFF) ook aangekla word oor hul dit so openlik sing hulle sweep mos hul vriende op