“Kill the Boer, Kill the Racist, Kill Afrikaans!”, lui ʼn pamflet op die Puk glo

Die pamflet wat glo op die NWU se Potchefstroomkampus versprei word.

Die pamflet wat glo op die NWU se Potchefstroomkampus versprei word.

‘n Pamflet wat lui: “Kill the Boer, Kill the Racist, Kill Afrikaans.” is vandag glo wyd op die Noordwes-Universiteit se Potchefstroomkampus versprei.

‘n Puk-student het aan Maroela Media gesê hy het Maandagoggend die pamflet gesien toe hy die badkamer in die ouditorium besoek het.

“Die dreigemente op die strooibiljet het my nie net in die gesig gevat nie, maar maak my ook onveilig voel op die kampus en selfs ook in Potchefstroom.”

Maroela Media het ook verneem dat die pamflet by talle badkamers op die kampus versprei is.

AfriForum Jeug het intussen die ‘rassehaat-pamflet’ ten sterkste veroordeel.

Henk Maree, nasionale voorsitter van AfriForum Jeug, sê die pamflet bevat ’n Afrika-bevrydingsembleem soortgelyk aan dié van Sasco en lui: “Kill the Boer, Kill the Racist, Kill Afrikaans.”

“Ons eis dat die Suid-Afrikaanse Menseregtekommissie (SAMRK) onmiddellik dié geval in hulle verhoor insluit en ’n volledige ondersoek loods.

Dit is duidelik dat daar ekstremistiese studente is wat nie met minderhede wil saamleef met wedersydse erkenning en respek nie,” het Maree gesê.

“Hierdie pamflet bevat duidelike haatspraak teen Afrikaners en Afrikaansprekendes, en verder sweep dit mense op om rassemoorde te pleeg,” sê Maree.

AfriForum Jeug het ’n skrywe aan die NWU én die SAMRK gestuur waarin geëis word dat ’n onmiddellike ondersoek van stapel gestuur word om te bevestig wie die individue en organisasie is wat die haat-pamflette versprei.

“Die SAMRK moet eerder op sulke blatante haatspraak fokus en begin besef dat Afrikaners ook slagoffers van rassisme is,” het Maree afgesluit.

Maroela Media wag vir terugvoer van die NWU.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Ania

“Take back” – interessant dat die “comrades” reken die puk het aan hulle behoort, of was Totius en kie dan kastig kommuniste? Beslis nie. Hulle lieg so dat hulle hulself glo. Dink seker kastig hulle het jarelange moeite gehad om die puk op te bou tot ‘n spog universiteit.

Ferdi

Lyk my daar is maar deesdae baie Nazi propoganda tiepe aktiwiteite op die PUK aan die gang

Dawn Albrecht

Saamstaan mense hierdie dinge is uit, dit mag nie toegelaat word nie

Dawn Albrecht

Saamstaan mense hierdie dinge is uit, dit mag nie toegelaat word nie

Dawn Albrecht

Saamstaan mense hierdie dinge is uit, dit mag nie toegelaat word nie