Argieffoto
ʼn Vyfjarige meisie het oor die naweek in ʼn huisbrand in Limpopo doodgebrand.
Volgens lt.kol. Moatshe Ngoepe, polisiewoordvoerder, was Lebogang Ramahlo aan die slaap toe die gesin se huis in Ga-Gapane in Bolobedu buite Tzaneen aan die brand geraak het.
“Die oorsaak van die brand is nog nie duidelik nie, maar daar word vermoed dat ʼn oond in die huis die brand veroorsaak het,” het Ngoepe Maandag gesê.
Die polisie doen ʼn geregtelike doodsondersoek.
