Kind in die mond geskiet tydens KZN-waterbetogings

Argieffoto

Argieffoto

ʼn Skoolseun is Vrydag in Pietermaritzburg, KwaZulu-Natal, met ʼn rubberkoeël in die mond geskiet toe hy in die middel van ʼn onderonsie tussen die polisie en ontstoke inwoners beland het.

Die inwoners betoog oor watertekorte.

Mazwi Ngubane, lid van Willowfontein Primary School se beheerliggaam, het verduidelik lede van die gemeenskap het die oggend begin saamdrom as deel van ʼn betoging, en van die leerders het by hulle aangesluit. “Die polisie het skielik met rubberkoeëls op hulle begin skiet en die persone het in verskillende rigtings verdaag. Ons het eers later ontdek ʼn seun is beseer,” het hy gesê.

Die seun, ongeveer agt jaar oud, was op pad huis toe nadat die skool gesluit het weens die voortslepende betogings.

Inwoners het hom na ʼn hospitaal geneem, maar sy toestand is nie dadelik bekend nie.

Kapt. Musa Ntombela, woordvoerder van die polisie, het die betogings bevestig, maar kon nie bevestig of iemand beseer of in hegtenis geneem is as gevolg van die betogings nie.

Dit is die derde betoging hierdie week oor ʼn tekort aan water in die gebied.

“Die laaste keer wat ons ʼn watertenkwa in die gebied gesien het, was Sondag,” het een van die inwoners gesê. “Hoe kan ons vyf dae lank sonder water oorleef? Kinders moet gebad word voor hulle skool toe gaan. Ons moet kan kook en wasgoed was.”

Msunduzi-munisipaliteit het die afgelope paar maande waterbeperkings ingestel kragtens die opdrag van die departement van waterwese en sanitasie. Maar inwoners van Imbali het gekla dat alhoewel ander gebiede in die munisipaliteit waterbeperkings het, hulle dae lank sonder water moet klaarkom.

Willowfontein is deel van Imbali, wes van Pietermaritzburg se middestad. Zweli Mkhize, tesourier-generaal van die ANC, woon ook in die gebied.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

15 Kommentare

jongste oudste gewildste
Frannie

Maar vir wie het hulle gestem?

Cherokee

Indien ons sou betoog sou ons as rede kon aanvoer dat dienste waarvoor betaal word uitgevoer moet word. Dinge het soveel verander dat betoog kan word as huise nie gratis uitgedeel word nie en as munisipale dienste nie gratis uitgevoer word nie word die winkelvesters van diegene wat wel daarvoor betaal, stukkend gegooi. Maar die ‘muntstuk(?) het ‘n ander kant ook; as daar nie muntstukke is om daarvoor te betaal nie bly dit steeds nodig. Daardie muntstuk het selfs ‘n 3rde kant; al kan betaling bekostig word sal dit nie betaal word nie want hul bure betaal nie daarvoor nie.

snoefie

betaal hulle munisipale dienste? is dit op datum? GEEN BETALING GEEN DIENSLEWERING. kinders wat moet bad ten spyt.

Skandalige gemeenskap

Die kind se seer is al die pad die skuld van die gemeenskap wat so barbaars optree.

Marianne

DIE HELE LAND IS IN DROOGTE GEDOMPEL!!!!!
WAAROM BAKLEI DAAROOR – MENS KAN NIE GODNSE HANDEWERK VEROORDEEL OF BEVRAAGTEKEN NIE. HY SAL VIR ONS ALMAL WATER OP SY TYD GEE….
MENSE HET HUL GELOOF VERLOOR….