Kind se sleepdood “harteloos”, wys misdaad is “buite beheer”

Taegrin Morris (4). Foto: Facebook

Taegrin Morris (4). Foto: Facebook

Taegrin Morris (4) van Boksburg aan die Oos-Rand se sleepdood word uit talle oorde veroordeel.

Taegrin is Saterdagaand dood nadat hy kilometers ver buite ʼn gekaapte motor gesleep is,

David Makhura, die premier van Gauteng, het Maandag gesê dit was ʼn hartelose daad. “Om ʼn klein seuntjie vir 8km ver te sleep is harteloos. Die kapers kon moontlik onder die invloed van dwelms gewees het, want ons weet daar is ʼn dwelmprobleem in die gebied,” het Makhura gesê.

Die premier het reeds die seun se gesin in Reigerpark, waar die voorval plaasgevind het, gaan besoek.

Taegrin was saam met sy ma en sussie (8) in ʼn Volkswagen Golf toe drie mans hulle genader het. Hulle het die gesin gedwing om uit die motor te klim, maar hy het in sy veiligheidsgordel verstrengel geraak en die kapers het met hom buite die motor weggejaag. Hy is vir ongeveer 8.5km ver van Reigerpark tot by Boksburg langs die motor gesleep. Die kapers het daarna die voertuig verlaat en gevlug. Taegrin was reeds dood.

Kol. Noxolo Kweza, ʼn polisiewoordvoerder, het intussen gesê die polisie ondervra ʼn man in verband met die voorval, maar het bevestig niemand is nog in hegtenis geneem nie. “Die man word ondervra, maar hy is nie ʼn verdagte nie,” het Kweza gesê. Sy het gesê die polisie hoop dat die man die polisie met hul ondersoek kan bystaan.

Kweza het gerugte ontken dat ʼn persoon wat aan die kaping verbind word, homself aan die polisie oorgegee het.

Die polisie het ʼn R50 000 beloning uitgeloof vir inligting wat tot die skuldiges se inhegtenisname kan lei. Die polisie ondersoek ʼn saak van moord en kaping.

Adv. Anton Alberts, woordvoerder vir die Vryheidsfront Plus, het Maandag gesê Taegrin se dood is ʼn bewys dat misdaad buite beheer is, al word dit deur die ANC-regering ontken.

Hy het versoek dat die doodstraf weer oorweeg moet word. “Daar sal weer ernstig moet besin word om misdaad wat met sulke wreedheid gepaard gaan, met die dood te straf,” het Alberts in ʼn verklaring gesê. “Dit is ondenkbaar hoe sy ouers, Chantel en Elwin, moet voel en die party wil sy diepste medelye met die gesin betuig. Dit kan bloot nie so voortgaan nie. Die vermoë van die polisie om misdaad onder beheer te bring, sal opnuut belig moet word. Die voorval moes nooit gebeur het nie,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

12 Kommentare

Petrus Swanepoel ·

Misdaad is beslis buite beheer, geen persoon verdien om so te sterf. Nogal vreemd dat die SAPS weet dat die area ‘n dwelm probleem het, hoekom dan nie iets daaromtrent doen. Verantwoordelikheid lê by die leiers, die bloed is in hulle hande

monique.duxbury ·

Die misdadigers kom weg met moord in die land!hoe gaan als opgelos word as die polisie nie eers aan hulle kan raak nie…die polisie se hande is ook afgekap..

Trippie ·

Ek raak sommer weer ROOI om die kraag.

Misdaad is nie net van vandag af buite beheer nie – dis lank reeds die geval. Kyk hoeveel van ons bejaarde mense word nie net wreed aangerand, gebrand met strykysters, aangeval met byle, en vir dood agtergelaat nie.

Stem saam met Petrus hierbo, die regering het bloed aan hul hande.

PS: Hulle is GEEN leiers nie !

Theresa ·

Kom kom gemeenskap. Julle weet dan wie die kapers was. Praat julle prate…………
Kry hulle en sleep hulle agter karre aan………….

AmY ·

Ek weet lankal al dat misdaad buite beheer is. Ek het dit 20jaar terug al geweet. En duidelik is daar steeds niks omtrent die situasie gedoen nie.

Midaad-bekamping was nog nooit werklik ‘n prioriteit gewees nie.

Marietjie ·

Ek dink die doodstraf sou wondere kon verrig as dit wel reg toegepas kon word. My enigste vrees is met ons fantastiese regs sisteem en dossiere wat wegraak en korrupsie, sommige mense verkeerdelik die doodstraf kan kry. In hierdie wonderlike land van ons is enige iets moontlik!!!

Marlene ·

BRING DIE DOODSTRAF TERUG. Wat gaan die regerings doen daaromtrent. Meer en meer kinders is die slagoffers. Dit was n vreeslike dood. En dan nog daai kind wat opgekap was mense ek het n foto gesien dis skokkend. Walglik!!!!!!!!! Maar die regering doen niks nie want hulle weet helfte van hull;e mense sal hang

Marlene ·

Elke persoon in hierdie land in ons huidige regeringstelsel staan skuldig vir die toestand vandag in ons land. Elke regerings amptenaar vanaf presidentsvlak staan skuldig vir elke kriminele aksie wat geslaagd plaasvind in ons land teenoor ons mense, ongeag hul velkleur of taal. Die feit dat daar min tot niks gedoen word deur ons veiligheid as burgers van hierdie land te beskerm nie, dui daarop dat die regering “tevrede” is daarmee en dit goedkeur.

Die A N C regering het hul mense ‘n nuwe stelsel vol beloftes gemaak en apartheid gebruik vir alle
mislukkings en swak bestuur. Dit is ons huidige regering wat vandag aanspreeklik is vir onmenslike
optrede deur kriminele teenoor onskuldige vroue,kinders en elke mens wat reeds met sy bloed moes betaal vir die “nuwe Suid Afrika” wat deur hulle self geskep is. Mag ons almal in hierdie land wat ernstig is oor ons land vandag ‘n besluit neem om saam te staan onder leiers wat alle bevolkingsgroepe in hierdie land dien om die “verskil” te maak. Laat ons met alles wat ons het hierdie sake daadwerklik beveg met al die middele tot ons beskikking, Numsa het reeds bewys waartoe ‘n mens in staat is, ons kan daarop voortbou en hul voorbeeld navolg. Mag alle mense in leiersposisies hul daartoe verbind om die nodige stappe te begin wat nodig is om ons huidige regering bewus te maak van almal se ontevredenheid deur “sigbaar” te begin protesteer sodat hulle kennis neem van ons as landsburgers se mening en reg. Dit is tyd dat groot organisasies begin saamstaan sodat ons sekere aksies afdwingbaar maak vir die huidige regering. Dit is elke mens in Suid Afrika se plig om dit te ondersteun en betrokke te raak.

Petro ·

DIE REGERING EN POLISIE GAAN VEROORSAAK DAT ONS AS OUERS DIE GEREG IN ONS EIE HANDE GAAN NEEM WANT DAAR IS ABSOLUUT GEEN “JUSTICE” VIR ONS KINDERS NIE HOEKOM KAN HUL ASB ASB NET DIE DOODSTRAF TERUGBRING OP KINDERS MAAK VAN EEN N VOORBEELD DAN GAAN DIE RES 2 KEER DINK VOOR HUL WEER N KIND SEERMAAK SO GATVOL VIR DIE LAND EN SY K*K REGSTEL MENSE VERMOOR VERNIEL VERNIETIG EN BREEK ONS KINDERS EN HUL LOOP VRY ROND OF KRY GRATIS BLYPLEK EN GRATIS KOS MAAK MENS SIEK!!!!!!!!!!!!!!!!!!!!!RIV KLEIN TEAGRIN

Elitia ·

Ek kan nie glo die ANC sê dat geweld in ons land onder beheer is nie! SKOKKEND! Hulle sal NOOIT die doodstraf terug bring nie, want dit gaan beteken dat daar elke 5 sekondes iemand gehang (of watse metode ookal) gaan word! Want dis hoe gereeld iemand vermoor of verkrag word in ons land! Dis sal fantasties wees though, want ons gaan dan soveel minder mense in die land wees wat beteken meer mense gaan werk he en minder crime!! So ja, ek stem bring die doodstraf terug!!

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.