Argieffoto ter illustrasie. (Foto: aguri_art/ Pixabay)
Die bestuurder van ’n kinderhuis in Woodstock, Kaapstad, verskyn Dinsdag in die Kaapstad-landdroshof op aanklagte van korrupsie en bedrog.
Volgens kapt. Philani Nkwalase, woordvoerder van die Valke, is die 49-jarige bestuurder van die Al-Noor-kinderhuis Vrydag in hegtenis geneem ná ’n ondersoek deur die Valke en die departement van maatskaplike ontwikkeling.
Toe die bestuurder in hegtenis geneem is, was daar 35 kinders in die kinderhuis van wie die instelling geen rekord gehad het nie. Dié kinders is met die samewerking van die departement met hul gesinne herenig, het Nkwalase in ’n verklaring gesê.
Die kinderhuis is verlede week deur die departement gesluit en 17 leerders is uit die kinderhuis se sorg gehaal nadat klagtes van seksuele misbruik aan die lig gekom het. Die saak word tans ondersoek, het Nkwalase gesê.
Hoe siek het die wettelose Suid Afika nie geword nie
Daar was voorheen klagtes, maar nie veel ondersoek gedoen nie. Ons minister van polisie lyk indrukwekkend met sy fancy hoed, maar sy doen moet daarby pas.
Weereens, wat is die bestuurder se naam?
Klagtes van seksuele misbruik maar aanklagte van korrupsie en bedrog gelê? Iets maak nie sin nie…