Kindermolesteerder vir die derde keer in hegtenis geneem

Ian Venter Foto: Facebook

Kinderregte-aktiviste is ontstoke nadat ʼn bekende tandarts van George in die Wes-Kaap vir die derde keer in hegtenis geneem en op borgtog vrygelaat is.

Ian Venter is in Desember 2014 skuldig bevind op aanklag van seksuele misdade met ʼn jong seun, en staan ook tereg op ʼn soortgelyke aanklag in die Thembalethu-streekshof.

Hy is Maandag in hegtenis geneem nadat hy na bewering die voorwaardes van sy vonnis oortree het.

Die 45-jarige pa van drie is tot vier jaar huisarres gevonnis nadat hy op verskeie aanklagte, waaronder seks met ʼn minderjarige seun, skuldig bevind is. Een van die voorwaardes van sy vonnis was dat hy nie met kinders mag werk nie. Dit het egter aan die lig gekom dat hy kinders by sy tandheelkundige praktyk behandel het terwyl hy sy vonnis uitgedien het.

Hy is Maandag by die praktyk in die middestad van die dorp in hegtenis geneem en hy het Woensdag aansoek gedoen om borgtog. Hy is vrygelaat op borgtog van R5 000 en die saak is uitgestel tot 25 Julie vir verdere ondersoek.

Hy moet egter op 9 Junie in die Thembalethu-streekshof verskyn in verband met ʼn ander saak. Venter het verlede jaar skuld ontken op aanklag dat hy ʼn 12-jarige seun seksueel aangerand het toe die seun op 11 April 2015 by sy huis in Heroldsbaai oorgeslaap het. Venter is in hegtenis geneem deur die eenheid vir gesinsgeweld en seksuele oortredings in George. Volgens die polisie het die beskuldigde by die gastekamer van sy huis ingegaan waar die 12-jarige seun geslaap het en hy het aan hom gevat. Die kind het by Venter se seun gekuier.

Joanne Barrett, woordvoerder van Vroue en Mans teen Kindermishandeling in die Wes-Kaap, het gesê sy en haar kollegas is ontstoke oor die hof se besluit om Venter vry te laat op borgtog, ondanks sy vorige skuldigbevinding en hangende saak teen hom. “Wie is aanspreeklik vir die misdade wat gepleeg word tydens huisarres? Wie beskerm ons kinders? Moet iets verskriklik eers gebeur voor die regstelsel hierdie sake in ʼn ernstige lig beskou? Venter toon duidelik geen respek vir die reg nie. Dit is in die belang van die samelewing om hom agter tralies te hou.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

58 Kommentare

jongste oudste gewildste
Caren

Story of my life…die vent ht 2 jaar huisares gekry mag ook nie met kinders werk nie. …. Maar het n kamp grond in Bloemfontein. .ouers los hulle kinders naweke daar ht polisie geskakel. Hulle doen niks …Bloemfontei …hoeveel kinders nog!

Ai

Nee hoor regtig!!! Ons regstelsel beteken niks as siek mense soos hy losgelaat word na so daad! Wat van die kind/ers wat hy getraumatiseer het? Wat vir die res van hul lewens met die letsels moet leef?! Hoe seker is hulle dat hy nie sy eie kinders aanrand nie! Sluit toe en gooi die sleutel weg. Dis absurd!!

Petro

Moet hy moor voor hy toegesluit word??

Valerie

Haai, Oe. En kyk tog net hoe baie lief lyk hy vir homself in die foto.

Anina

Siek siek siek, hoeveel kinders moet die skepsel verwoes voor mense se skille van hul oë afval??? Hy kan baie bly wees dat hy nie my tandarts is nie! Orige ou man ???