Twee jong meisies is glo die afgelope naweek in Phuthaditjhaba in die Vrystaat deur ʼn man verkrag nadat hy hulle glo aangesê het om dagga te rook.
Die voorval het eers aan die lig gekom nadat die jongste kind begin kla het dat sy siek voel.
Ao. Mmako Mophiring, polisiewoordvoerder, sê die ma van ʼn vyfjarige kind het haar Sondag om 10:00 begin uitvra oor hoekom sy so siek voel. Die kind het haar ma toe vertel dat ʼn man, wat glo aan haar bekend is, haar en ʼn vriendin (8) forseer het om dagga te rook.
“Albei meisies is na die polisiestasie geneem, waarna hulle dadelik na ʼn hospitaal toe is vir verdere ondersoeke,” sê Mophiring.
“Die dokter het tydens die ondersoeke agtergekom dat albei kinders bedwelm en boonop verkrag is.”
ʼn Verdagte is kort daarna op twee aanklagte van verkragting en twee aanklagte van poging tot moord in hegtenis geneem. Hy sal na verwagting Woensdag in die Makwane-landdroshof verskyn.
Lt.genl. Baile Motswenyane, provinsiale polisiekommissaris, het Dinsdag haar skok oor die voorval uitgespreek.
“Dit is ʼn verskriklike voorval waar deur geen ouer of kind behoort te gaan nie,” sê sy.
“Ek hoop die wiel sal draai sodat geregtigheid kan geskied.”
Hoekom verkrag en hoekom KINDERS(!) verkrag?! Hierdie man behoort die doodstraf te kry.
Geweldadige misdaad word nou ‘n beroep in ons land.
JM ek stem 100%
Al wat ek wil sê is “MARANATHA” kom HERE JESUS kom!
Amen, amen, amen!!!
SIEK VERBY!!!