Twee kinders, tussen die ouderdomme van 10 en 13, is Maandagmiddag dood toe ’n skoolbus en ’n vragmotor in ’n kop-teen-kop‑botsing op Ohrtmannweg in Pietermaritzburg betrokke was.
Nóg 15 mense, onder wie leerders en die bestuurders van die bus en vragmotor, is tydens die voorval beseer.
Shawn Herbst, woordvoerder van Netcare 911, sê die kinders is op die toneel dood verklaar, terwyl die ander beseerdes op die toneel behandel en na nabygeleë hospitale geneem is.
Luidens berigte het die bus tieners sowel as laerskoolkinders vervoer.
Herbst sê dit is nie duidelik wat tot die ongeluk gelei het nie.
Kapt. Nqobile Gwala, polisiewoordvoerder, sê ’n saak van strafbare manslag word tans ondersoek.
Kop aan kop is duidelik genoeg .
Verkeersreëls word geminag, daarom soveel ongelukke. Eintlik moet dit nie “ongelukke” genoem word nie, maar “moedswilligs.”
Hoe ry ‘n bus kop aan kop met ‘n ander voertuig????