Klag ingedien oor EFF se “Kill the Boer”-lied op Senekal

Betogings op Senekal (Foto verskaf)

Die VF Plus veroordeel EFF-ondersteuners se gebruik van die “Kill the Boer”-lied Vrydag op Senekal ten sterkste en het ʼn klag daaroor teen die betrokke ondersteuners en teen Julius Malema, leier van die EFF, ingedien by die Suid-Afrikaanse Menseregtekommissie (MRK).

“Hierdie soort gedrag is onaanvaarbaar,” het dr. Pieter Groenewald, leier van die VF Plus, gesê. “Plaasmoorde is ʼn realiteit en dit is hierdie soort onverantwoordelike uitlatings en aanhitsing wat sonder enige twyfel ʼn rol speel in plaasaanvalle en -moord.”

Die VF Plus het reeds in 2003 daarin geslaag om deur die MRK die sing van die lied tot haatspraak te laat verklaar.

“Julius Malema word persoonlik ook aanspreeklik gehou omdat hy openlik haat en geweld predik. Hy het voor vandag se hofsaak op Senekal selfs ʼn burgeroorlog openlik goedgepraat. Hierdie aanhitsing lei daartoe dat ondersteuners opgesweep word tot aksie soos onlangs gesien is met die landwye Clicks-protesaksies.”

Groenewald sê Malema is nie verhewe bo die reg nie en die tyd het aangebreek dat daar teen hom opgetree word in die belang van almal in die land.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Stefaan

Goeie idee,maar dit sal nie gebeur nie. Kyk net langs wie het hy gesit in die hof. Dit behoort die hele storie te vertel.

Pieter

Verbasend dat slegs die VF+ ‘n klag lê en die res swyg. Kan nie verstaan dat die EFF toegelaat is om dit te sing/uiter nie. Moes hulle daar stil gemaak het. Maar anargie kom, gister ammunisie aangekoop.

Natasha

Kom ons bid realisties dat iemand erens se oe sal oop gaan en iets hiervan sal kom.

groenboer

Dit is een ding om ‘n lied tot haatspraak te laat verklaar; dit is ‘n ander storie om dit af te dwing. Wat doen jy as ‘n hele skare dit sing? Arresteer jy almal? Begin op hulle te skiet? Daar is eintlik bitter min wat gedoen kan word. Dit is ‘n ander storie as jy getuienis het warmee jy die spesifieke individue kan identifiseer wat die lied begin sing het, en/of die skare aangehits het om dit te sing, want hulle kan jy wel arresteer en vervolg. Ek weet nie wat die geval hier is nie. Die EFF beweer hulle… Lees meer »

Renier johannes

Hy kan se wat hy wil want die polisie en regering steun hom om die oe van hulle af tekry dat hulle nog geld kan vat