Klag ingedien oor vrou se rassistiese twiets

Van Palesa se vorige twiets. Foto: Twitter

Van Palesa se vorige twiets. Foto: Twitter

ʼn Amptelike klag is by die Menseregtekommissie ingedien teen Palesa Sotjifa, ʼn vrou wat berug geraak het vir haar rassistiese twiets.

Adv. Anton Alberts, die VF Plus se parlementêre woordvoerder oor menseregte, het gesê sy party het ʼn amptelike klag ingedien nadat dit aan die lig gekom het dat die MRK twee jaar nadat die uitlatings begin het, steeds nie die saak ondersoek nie.

Die MRK het vroeër gesê hy ondersoek nie die saak nie aangesien niemand ʼn klag ingedien het nie. Die VF Plus eis egter nou dat die MRK antwoorde moet verskaf waarom die kommissie nie uit sy eie en sonder ʼn klag opgetree het soos hy in baie ander gevalle wel doen nie.

“Stel asseblief ons kantoor in kennis waarom die moontlike rassistiese uitlatings van Sotjifa nie uit eie inisiatief deur die MRK ondersoek is soos in baie ander gevalle en met individue wel gedoen is nie, en met besondere verwysing na wit mense op dieselfde grondslag,” het die VF Plus die MRK versoek.

Alberts het gesê die VF Plus het die MRK in die verlede reeds etlike male gekritiseer, onder meer weens sy oënskynlike onbereidwilligheid om die EFF en pres. Jacob Zuma te ondersoek.

“Die situasie by die MRK is uiters kommerwekkend en die kommissie sal die publiek nie kan verkwalik indien sy bekwaamheid en onpartydigheid toenemend onder verdenking kom soos sake tans staan nie.”

Sotjifa het onder meer getwiet “EFF must kill 500 whites for us” en “They were supposed to stop them then and there and kill them! We would be having a whites free country”.

Sotjifa se vorige uitlatings het intussen weer die rondte op Twitter begin doen, met mense wat Sotjifa ondersteun én veroordeel. Daar was talle gesprekke onder die hutsmerk #HandsoffPalesa.

Sotjifa het intussen om verskoning gevra vir haar uitlatings.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

41 Kommentare

jongste oudste gewildste
Burger

Die MRK is ‘n verlengstuk van die ANC…hul verdien geen respek nie, want hul is eensydig en het geen geloofwaardigheid nie.

Michelle

Die ander mense wat “rassistiese” aanmerkings gemaak het, het ook omverskoning gevra en dit het nie weg gegaan nie. So hoekom word sy nou eers ondersoek? Sal ons maar raai raai speel?!

rudi

Dankie VF+. Gee hul gas. Hul was so opgewonde toe hul Sparrow kon beboet. Hul het vir hulself ‘n lekker gat gegrawe met hul partydigheid.

Wat is haar probleem? Sy is nie juis veel donkerder as ons wittes nie. Beslis nie swart van kleur nie. Het sy nie beter dinge om te doen nie???? Die mense wat met kleurprentjies speel om n ander te verpes is goed vir niks.

Karin

Hoekom vra sy nou in 2016 omverskoning?