Patience Matsaa (19) het Vrydag weer in die Rustenburg-landdroshof verskyn op aanklag van ontvoering, maar die klag teen haar is voorlopig teruggetrek omdat die ondersoekbeampte nie vir die hofverskyning opgedaag het nie.
Maroela Media het vroeër berig Matsaa het glo die baba se ma buite die hospitaal genader en vir haar R23 aangebied om kos te koop. Die vrou het die baba aan Matsaa gegee en is na die hospitaalwinkel om kos te koop. Toe sy terugkom, was Matsaa met die baba weg.
Matsaa is later by haar ouerhuis naby Boitekong in hegtenis geneem en die baba is ongedeerd aan die ma terug besorg. Matsaa is later op borgtog van R1000 vrygelaat.