Klag teen man oor WhatsApp-boodskap

ʼn Storm het om die kop van ene Ruan Meintjes van Vanderbijlpark in Gauteng losgebars nadat hy glo per ongeluk ʼn WhatsApp-boodskap na ʼn gemeenskapsgroep gestuur het waarin hy die k-woord gebruik.

Die beweerde opmerking volg nadat Jacob Khawe, burgemeester van die Emfuleni-munisipaliteit, en die munisipale bestuurder, Oupa Nkoane, Dinsdag na Rand Water se hoofkantoor in Glen Vista opgeruk het nadat die waterverskaffer weens uitstaande skuld toevoer na die munisipaliteit verminder het.

ʼn Inskrywing op sosiale media van dié rolspelers lui: “Ons sal nie weggaan totdat ons inwoners se waterdruk herstel is nie.”

ʼn Skermskoot van dié inskrywing is wyd op sosiale media gedeel, só ook die gemeenskapsgroep waarop Meintjes glo gereageer het: “Nou staak di munisipaliteit by rand water. Dis lyk my al manier wat n k***** verstaan.”[sic]

Hy het direk daarna in Engels geskryf: “So sorry. Deeply disappointed en sent to wrong place. I will excuse myself from the group now.” [sic]

ʼn Skermskoot van die plasing is daarna op sosiale media geplaas en het wyd reaksie ontlok. Nkoane het dit Dinsdagaand op sy Facebook-blad geplaas en gevra of enigiemand Meintjes ken sodat hy ʼn “ordentlike gesprek met hom kan hê”.

Lebo Mofokeng, die burgemeester se woordvoerder, het Vrydag aan Maroela Media gesê ʼn groep van die plaaslike ANC-jeugliga en Sanco het Woensdag ʼn klag van crimen injuria by die plaaslike polisie teen Meintjes aanhangig gaan maak. Penny Segoatsi, die waarnemende burgemeester van Emfuleni, het die groep vergesel as steun vir die ANC-jeugliga waarvan sy ʼn lid is.

Mofokeng het gesê die munisipaliteit en burgemeester het nog nie in hul hoedanigheid ʼn klag aanhangig gemaak nie.

“Ons wil geen strukture ondermyn nie, maar graag eers ʼn poging aanwend om met die betrokke party in gesprek te tree voor ons oor die pad vorentoe sal besluit,” het Mofokeng gesê.

“Tans het ons nog niks van hom gehoor nie. Hy het ons nog nie genader nie en is nêrens te vinde nie.”

Mofokeng het gesê Segoatsi is van mening dat as Meintjes in die openbaar verskoning sou aanteken, die mense hom sou vergewe, maar nou “kruip hy weg”.

Die selfoonnommer wat Meintjes glo gebruik het om die plasing te maak, is sedertdien afgeskakel en hy kon nie vir kommentaar bereik word nie. Hy het ook sy Facebook-profiel verwyder.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
Manie

Betaal nie jou water rekening dan wil jy die mense gaan intimideer met julle luukse onverdiende motors. Doen liewer julle werk waarvoor julle uitermatige salarisse kry

Barnard

Sosiale media kan baie gevaarlik wees

Werner

Ja maar as jy n sekere omroeper op Jacaranda is kan jy maar se wat jy wil en sal niks oorkom die ou is seker geregtig op sy eie opinie

Johan. H.

Jy mag dink en voel wat jy wil , moet dit net nie op sosiale media se nie,,Daars erger misdade, maar hulle gaan van jou n voorbeeld maak omrede jou velkleur en jys tien teen een nie “conected” nie.
Voorspoed !!

Blondie

Eish!!!!! Al sê jy sorry tot jy blou in die gesig is en skreeu jy om vergifnis sal almal ongelukkig bly daaroor en jou nie kan vergewe nie. Daai is number 1 in die top 10 sondes.