Klagte oor riool in strate

Riool in die straat. Foto: Verskaf

Die DA in Noordwes gaan ʼn klagte teen die Tswaing-munisipaliteit by die polisie aanhangig maak rakende die rioolkrisis wat die gebied, wat Sannieshof insluit, teister.

Carin Visser, DA-LP asook die party se leier in die provinsie, het Maandag gesê die klagte hou verband met die oortreding van die Nasionale Omgewingsbestuurswet wat bepaal dat mense die reg op ʼn gesonde en skoon omgewing het.

“Ons sal ook die Sentrum vir Omgewingsregte versoek om die munisipaliteit te ondersoek wat versuim om beskadigde rioolpype te herstel. Dit veroorsaak dat die rioolstelsel oorstroom word en dat miljoene liter rou riool in die strate vloei,” het Visser gesê.

“Die riooloorstromings word veroorsaak deur die munisipaliteit se swak herstelwerk aan die rioolinfrastruktuur en hul voertuie.”

Visser het gesê die munisipaliteit ignoreer glo die party se deurlopende versoeke om die rioolstelsel te herstel en dat dit ʼn groot gesondheidsrisiko vir die omgewing en inwoners inhou.

Volgens Visser moet 6 400 000 liter se riool in die Sannieshof-omgewing skoongemaak word.

“Om die omgewingsramp op te ruim sal ʼn vragmotor met ʼn 6 000 liter-kapasiteit ten minste 48 persele per dag moet besoek om al die riool binne ʼn maand skoon te maak. Tans kan die vragmotor slegs nege roetes per dag doen. Inwoners het geen ander opsie nie as om riool in die strate in te pomp,” het sy gesê.

Maroela Media het navraag by die munisipale bestuurder, Mi Moruti, gedoen en wag nog vir terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Spietnik

Dit is darem nie gewensde oplosing van die probleem nie.
Onbevoegte mense doe.n sulke dinge.

M

Klink amper soos klerksdorp, riool loop vanuit my erf tot in di strate, munisipaliteit het hul eie tyd

Jaco

Maar is dit nie hoe n afrika land moet lyk nie?

humor

Jaco heeltemal reg. Het jy al van die Afrikalande besoek. Dit is bykans aan elke dorp kenmewrkend. En dan wil hulle plase he???????????????????????????

Ronel

Is julle seker dis Sannieshof? Klink amper soos Kroonstad….