Klagtes kom teen student wat ‘wittes wil doodmaak’

'n Skermskoot van die inskrywing soos die AfriForum Jeug verskaf.

‘n Skermskoot van die inskrywing soos die AfriForum Jeug verskaf.

AfriForum Jeug het Maandag gesê hy berei klagtes voor teen ʼn student aan die Universiteit van Pretoria (UP) wat glo op Facebook ʼn lys van redes geplaas het hoekom hy wit mense met ʼn AK-47 of ’n bazoeka wil doodmaak.

Luvuyo Menziwa, ʼn student aan die Universiteit van Pretoria en ʼn lid van die studenteraad, het in die inskrywing redes gelys hoekom hy wit mense haat. Die redes is onder meer “wit voorreg, wit arrogansie, wit monopolie van kapitaal en wit meerderwaardigheid”.

“Ter afsluiting, f** wit mense. Gee my net ʼn AK-47 of ʼn bazoeka sodat ek die regte ding kan doen en hierdie demoon-besete mense kan doodmaak,” lui die inskrywing.

Volgens Henrico Barnard, AfriForum Tuks se woordvoerder, beskou AfriForum Jeug Menziwa se inskrywing as lasterlike uitsprake, aanhitsing tot geweld en intimidasie. Hy het gesê meer besonderhede oor dié strafregtelike klagtes sal later bekend gemaak word.

Anna-Retha Bouwer, woordvoerder van die UP, het aan Maroela Media bevestig dat Menziwa ʼn student by die instansie en ʼn lid van die studenteraad is. “Die saak word ondersoek kragtens die gedragskode en dissiplinêre kode vir studente, asook vir SR-lede,” het sy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

48 Kommentare

jongste oudste gewildste
Jacobus

Hy kan maar probeer as hy wil…

Jordaan

Ons wag seker tevergeefs vir DA en ANC politici om hierdie te veroordeel? Heelwat erger as kleuter wat nie by haar maatjies sit of dogters wat nie haarrreëls wil hê nie, maar die kleur van die oortreder laat seker nie toe dat hierdie rassisties is nie. Dankie solank Afriforum vir moeite om klag by MRK in te dien.

TeWit TeSwart

Ai liewe hemel hoelank gaan ons nog die kaart speel.Dit raak so afgesaak regtig.Ek dink die ding is mense wat regtig nie n lewe het nie en dan n naam of hul naam gat wil maak op sosialle media deur n klomp bollie kwyt te raak.Glo my ek sal op alle Tv en koerant voorblaaie wees as ek moet regtig se wat ek dink van die land en sy mense.En die so genaamde Christen,my God hou hom nie besig met snert nie,so hou op hom aanhaal in julle tong gevegte .Christen maak jou besigheid toe op n Sondag en begin… Lees meer »

Ian

Niks sal gebeur nie…….

Joann

Rassisme,sluit hom toe. R150,000 boete. Toe toe hoekom wag jul nog????