Klagtes van verkragting teen polisiebevelvoerder ontken

(Foto: SA Polisie)

Die bestuur van die polisie in Mpumalanga het sy verbasing uitgespreek oor ʼn berig in die Mail & Guardian dat ses vroue glo berading ontvang het vir seksuele misdade deur die waarnemende stasiebevelvoerder van Witbank.

Brig. Leonard Hlathi, woordvoerder van die polisie, het in ʼn verklaring gesê die Mail & Guardian het verlede week berig dat hy ʼn dossier gesien het oor dié bewerings van seksuele aanranding teen brig. Sifiso Cele. Twee vroue het glo ʼn onderhoud met die koerant van die hand gewys, maar die inhoud van die dossier bevestig.

Verdere bewerings word gemaak dat lt.kol. Anya Chrissopoulos, die provinsiale hoof van sielkundige dienste in Mpumalanga, berading vir die ses vroue aangebied het.

“Die bestuur van die SAPD wil dit duidelik stel dat daar geen dossier van dié aard onder die aandag van die bestuur gebring is nie. Lt.kol. Chrissopoulos was ook geskok om te hoor dat haar naam by die saak betrek word. Sy het aan die bestuur gesê sy is hoegenaamd nie bewus van sulke bewerings teen brig. Cele nie,” het Hlathi bygevoeg. “Dit kan slegs as ʼn smeerveldtog teen die betrokke beampte beskou word.”

Hlathi sê die polisie wil die gemeenskap daaraan herinner dat seksuele misdade in ʼn baie ernstige lig beskou word. “Daar is gevolglik geen manier dat die beampte nie in hegtenis geneem sou word indien hy vroue verkrag of seksueel aangerand het nie. As daar enige bewerings van dié aard teen brig. Cele aanhangig gemaak is, sou beamptes hom dadelik in hegtenis geneem het.”

Die provinsiale polisie doen ʼn beroep op die verslaggewer van die Mail & Guardian om sy feite te verifieer voor enige storie gepubliseer word, het hy bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
Hennie J

Nou wonder ek maar net of daar waarheid is in die gesegde “waar n rokie trek brand n vuurtjie”

PH

En as dit nie waar is nie, hoekom word die verslaggewer nie gedagvaar vir naamskending of vals nuus nie?

ronel

Die feit dat ” daar geen dosier bestaan waarvan hy weet” is nou maar ongelukkig ‘n stelling sonder veel gewig of waarde, dit is algemene kennis dat die polisie hul eie sal beskerm as hul krimineel of korrup optree, as goeie polisie manne nou ‘n negatiewe naam kry as gevolg van die kriminele element wat toe gelaat word binne hul midde moet hulle maar die blaam voor hul eie deur plaas. Weermag en Polisie is meer bekend vir wreedheid, korruptheid en onderduimse optrede as vir hulle diens en beveiliging van die publiek, so sorry maar ne?

Persheks Adri

Hulle is juis nie ons gunsteling mense nie en Vrydag het dit WEER bewys met rooi petters wat kan maak en sê wat hulle wil en kom weg met als terwyl hulle daar is! Uiters pateties verby en ‘n GROOT teleurstelling vir ons.

Sarel

Dit kan ‘n toesmeerdery wees ons weet en hulle weet dossiere kry voete. Maar watter het die Joernalis dan gesien.
Kan ook vendetta wees vir iets wat hy gedoen of nie gedoen het nie.