Klarissa Joubert se liggaam gevind

Klarissa Joubert.

Die soektog na Klarissa Joubert, ʼn 19-jarige student van Orania wat Donderdag in die Oranjerivier verdwyn het, het tragies geëindig toe haar liggaam kort gelede gevind is.

Joost Strydom, uitvoerende hoof van die Orania Beweging, sê Joubert se liggaam is Maandag gevind naby die plek waar die fratsongeluk verlede week gebeur het.

Maroela Media het vroeër berig Joubert en nog vriende het op binnebande in die rivier afgedryf toe die band oënskynlik omgeslaan en Joubert in die water beland het. Haar maats het haar kort daarna uit die oog verloor, maar so gou moontlik hulp ontbied.

ʼn Enorme operasie is daarna van stapel gestuur om Joubert op te spoor. Hommeltuie, vliegtuie en helikopters het die gebied uit die lug gefynkam, snuffelhonde is ingespan en vrywilligers – almal van boere tot inwoners van die gebied – het onophoudelik gewerk om die rivier en omliggende gebied vir enige teken van Joubert te deursoek.

“Orania Veiligheidsdienste, die polisie en amptelike dorpsverteenwoordigers is op die toneel om die reuseoperasie wat oor etlike dae gestrek het, af te handel,” het Strydom gesê.

“Tydens die soektog het Orania se amptelike veiligheidsgroepe, OraniaMED24, die polisie, boere uit die omgewing en honderde vrywilligers dag en nag saamgewerk om Klarissa te vind. Die Orania-gemeenskap, die omliggende boere en amptelike strukture se samewerking is ʼn duidelike bewys van die vermoë wat ontsluit kan word as ʼn gemeenskap saamwerk na ʼn gemeenskaplike doel – selfs in ʼn baie traumatiese tyd.”

Strydom sê tydens die soektog na die jong meisie is ʼn wye ondersteuningsnetwerk gevorm, wat alles van kos en brandstof tot gebede en ondersteuning ingesluit het.

“Die familie het opregte dank aan die gemeenskap van Orania, die vrywilligers, hulle vriende van Ermelo, die polisie en elke helper uitgespreek.”

Hulle het ook gevra dat hul privaatheid in hierdie tyd gerespekteer word.

Honderde boodskappe van medelye het reeds ingestroom nadat die nuus oor Joubert se dood bekend geword het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
RS

Ai so jonk. Ons dink aan al haar geliefdes. Baie sterkte.

Gerd Lourens

Sjoe, soooo hartseer.
My innige meegevoel word betuig met haar familie en vriende.
Dankie aan die Orania-gemeenskap wat so saamgestaan het.

Net ek

Dis baie hartseer. Baie sterkte aan al haar vriende en familie. Mag die Liefde van Jesus hulle toevou en vertroosting gee in hierdie hartseer tyd.

ameli

So so hartverskeurend. Geen woorde kan die hartseer ongedaan maak nie. Mag die familie net Die Vader se liefde en vertroosting ervaar.

Racheltjie Debeer

INNIGE MEEGEVOEL