Klasaksie teen die GEPF dan aangehoor

Argieffoto

Die vakbond Solidariteit se aansoek om die sertifisering van ʼn klasaksie as die eerste stap om die staatsdienspensioenfonds (GEPF) aanspreeklik te hou vir die onregmatige wysiging van die formule waarvolgens amptenare se aktuariële belang by bedanking bereken word, word Woensdag in die Pretoriase Hooggeregshof aangehoor.

Solidariteit doen aansoek om namens meer as 1,2 miljoen staatsamptenare te kan optree om die GEPF gevolglik verantwoordbaar te hou vir die eensydige wysigings wat aan die formule aangebring is.

“Die GEPF-aansoek wat Solidariteit bring, is ’n baie groot hofaksie en waarskynlik die eerste van sy soort. Ons is van mening dat daar nie ʼn behoorlike konsultasieproses gevolg is nie, soos vereis word ingevolge die reëls van die fonds, en daarom sal Solidariteit se hofsaak teen die GEPF tot voordeel van alle staatsdienswerkers wees,” het Johan Kruger, adjunkbestuurshoof van Solidariteit, gesê.

Volgens Kruger sal staatsamptenare wat beoog om te bedank, of wat reeds bedank het nadat die formule eensydig gewysig is, voordele ter waarde van duisende rande verloor.

“Solidariteit sal verder eis dat persone wat sedert die eensydige aanpassing bedank het, vergoed word asof die vorige formule gegeld het en dat moratore rente hierop betaal word,” het Kruger gesê.

Solidariteit eis ook dat die formuleverandering wat aangebring is om die bedankingswaarde van staatsamptenare se pensioenvoordeel te bereken, hersien moet word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Christo

Teen die tyd wat ek met pension gaan gaan ek nie eens n brood kan koop met my maandelikse pension nie. En dis oor 20 jaar.

Dankbaar

Dankie Solidariteit dat jul iets doen. Glo en vertrou dat jul suksesvol sal wees. Hierdie gewetenlose skelms sal aanhou tot ons, wat vir die staat werk, net mooi niks oor het nie.
Ryk ek ‘n Gupta………..invloed?

Jacques Venter

Die groot gevaar is dat die PIC gestroop gaan word om die sukkelde SAA te red. As dit nog enigsens moontlik is

snoefie

nou waar kom molefe se R30miljien dan vandaan? ek dag as semi staat soveel pensioen vir agtien maande versamel sou volke staatsdiens sn 300% meer wees.

snoefie

nou waar kom molefe se R30miljien dan vandaan? ek dag as semi staat soveel pensioen vir agtien maande versamel sou volle staatsdiens sn 300% meer wees.