Klein kankerlyertjie verloor die stryd

Imke Geldenhuys (Foto: Verskaf)

Imke Geldenhuys, wat verlede jaar as driejarige gediagnoseer is met ʼn aggressiewe vorm van kanker, is oorlede.

Imke het landswyd harte aangeraak toe Suid-Afrikaners van haar lot te hore gekom het. Maroela Media het vroeër berig die gesin het bykans R10 miljoen benodig om haar vir immunoterapie na die Memorial Sloan Kettering-kankersentrum in New York te neem.

Sy is in Februarie 2016 met hoërisiko-neuroblastoom gediagnoseer – ʼn gewas wat hoofsaaklik by kinders tot op die ouderdom van vyf jaar voorkom. Die gewas groei op hul niere en versprei na ander weefsel in die liggaam.

Tydens een van die grootste massa-geldinsamelings nóg het haar ouers, Darius en Ilona Geldenhuys van Tzaneen in Limpopo, in September verlede jaar gehoor dat hulle eindelik genoeg geld het om Imke na New York te neem vir die spesiale kankerbehandeling.

“Rus in vrede ons liewe engelgesiggie,” het Darius Maandag op Facebook gesê. “Engel liefste prinses ons het nie woorde nie. Berus dat jy nou vry is!”

Letaba Herald het berig Imke is vanoggend tussen 05:00 en 06:00 in New York oorlede.

Lees alle vorige berigte oor Imke Geldenhuys op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

39 Kommentare

jongste oudste gewildste
Maricia

So baie jammer hieroor. Liefde en sterkte vir haar ouers. ❤❤

Tannie

Mooiste klein gesiggie. Mooiste blink ogies.

Sandy

Ek is so verskriklik jammer vir julle. Kan myself nie die pyn voorstel wat julle deurgaan nie. Geen ouer verdien om hierdeur te gaan nie.

Ada

Baie jammer om te hoor.Die prinsessie is reguit hemel toe.Sterkte aan die liefdevolle ouers.

Annelise

So verskriklik hartseer.