Kleinhoewe-aanval: Vrou langs haar man doodgeskiet

polisie-huisroof-crime

Argieffoto: SAPD/Facebook

’n Vrou (61) is in die vroeë oggendure van Sondag langs haar man doodgeskiet tydens ’n aanval op hul kleinhoewe in Buffelsdrift Bavaria in die breër Kameeldrift-Oos-omgewing in Gauteng.

Kapt. Mavela Masondo, woordvoerder van die polisie, het die voorval aan Maroela Media bevestig en gesê twee verdagtes het na bewering die veiligheidshek van die huis oopforseer en die huis op so ’n manier binnegekom.

“Hulle het die egpaar, hul dogter en kleindogter vasgebind. Die vrou is toe in haar bors geskiet en later op die toneel dood verklaar,” het Masondo gesê.

Marius Müller, nasionale operasionele koördineerder van AfriForum, het die voorval bevestig. “Die aanvallers het gevlug met selfone en die egpaar se Isuzu-bakkie.”

Volgens Müller moes die man, wat betrokke is by die plaaslike brandvereniging, sowat ʼn uur spook om homself los te wikkel langs sy vrou se liggaam om hulp te ontbied.

Müller het verder bevestig dat die dogter en kleindogter in die huis was, maar dat hulle ongedeerd is. AfriForum reël dat die misdaadtoneel skoongemaak sal word.

Die polisie ondersoek ʼn saak van moord en huisroof.

Enigiemand met inligting oor die voorval kan die misdaadstoplyn by 08600 10111 kontak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Sieg

Innige meegevoel vir die familie, skande anc en dan lieg julle vir ons daar is geen probleme met plaas moorde nie.

Paul

Is daar dan niemand wat iets kan doen aan die situasie in Kameeldrift nie. As ‘n mens maar lees van ‘n voorval, is dit in Kameeldrift. Ek bly baie vêr daarvandaan maar dit is opvallend hoeveel voorvalle daar plaasvind.

Koos de Meyer.

Ons leef in ‘n barbaarse land. Die regering doen ook niks om dit te stop nie.

leser

kameeldrif – oos of wes ?

Erick

Vir selfone? En die bakkie of voertuig word altyd ‘n ent verder verlate opgespoor. Ons is in ‘n stryd om oorlewing gedompel en meeste blankes weier steeds om dit te aanvaar. Naïef!