Kleuter (4) val na sy dood

Argieffoto: ER24

Argieffoto: ER24

ʼn Vierjarige seun is Sondag dood nadat hy van die derde verdieping van ʼn gebou in Johannesburg geval het.

Chitra Bodasing Harduth, woordvoerder van ER24, het gesê die voorval het by ʼn gebou in Fleurhof in Randburg plaasgevind.

“Die kleuter het vermoedelik uit ʼn venster geval. Wat presies gebeur het, is onbekend en word deur die polisie ondersoek,” het sy gesê.

Beamptes van die brand- en reddingsdienste en paramedici het na die seun op die toneel omgesien. Hy het verskeie beserings opgedoen en is in ʼn kritieke toestand na ʼn nabygeleë hospitaal geneem.

“Die seuntjie se toestand het in die hospitaal vererger. Ongelukkig was alle pogings om sy lewe te red tevergeefs en is hy in die hospitaal dood,” het sy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

5 Kommentare

Elize ·

Hoe tragies. Innige simpatie aan almal betrokke. Ongelukke gebeur binne n oogwink.

cs ·

Hoekom val so baie kinders by vensters uit in Johannesburg? Is dit woonstelle wat nie diefwering het nie of wat? Dis baie tragies en sterkte aan die familie!

Ancara ·

Ek stem saam hoekom kan hulle nie diefwering by sulke vensters aanbring nie.Sterkte aan gesin en familie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.