Argieffoto
ʼn Vierjarige seun is in ʼn hospitaal opgeneem nadat hy Vrydagmiddag by ʼn huis naby Oslo-strand aan die KwaZulu-Natalse suidkus in ʼn swembad beland het.
Oslo-strand is naby Port Shepstone geleë.
Shawn Herbst, woordvoerder van Netcare 911, het gesê die kleuter is gevind waar hy bewegingloos in die swembad dryf. Familielede het hom uit die water gehaal en dadelik kardiopulmonêre resussitasie toegepas.
“Met paramedici se aankoms op die toneel was die kind by sy bewussyn maar verward. Hy is op die toneel behandel voordat hy na ʼn hospitaal gehaas is,” het Herbst gesê.
Ouers beskerm julle kinders en sit ‘n swembad net oor om jul kinders en julle self veilig te hou.
Ek is dankbaar dat die ouers gou opgetree het, hoop dat die seun nie skade opgedoen het. Sterkte aan die ouers… Ouers moet hul kinders oppas by n swembad, n ongeluk kan so vining gebeur.